Термилгенинги табмазса, кюлгенинге тюберсе.
Юйлю уругъа ит чабмаз.
Бети – къучакълар, джюреги – бычакълар.
Аллахдан тилесенг, кёб тиле.
Таш ата билмеген, башына урур.
Ашхы атаны – джашы ашхы, ашхы ананы – къызы ашхы.
Эрине къаргъыш этген къатын, эрнин къабар.
Адамны сыфатына къарама, сёзюне къара.
Сютден ауузу кюйген, суугъа юфгюре эди.
Къумурсхала джыйылсала, пилни да джыгъадыла.
Босагъагъа джууукъ орун болса, ашыгъыб тёрге озма.
Тойгъанлыкъ къойгъа джарашады.
Арба аугъандан сора, джол кёргюзтюучю кёб болур.
Керек ташны ауурлугъу джокъ.
Аман эсирсе, юйюн ояр.
Байлыкъ адамны сокъур этер.
Кийим тукъум сордурур.
Тешик этген тынчды, аны джамагъан къыйынды.
Туз, гырджын аша, тюзлюк бла джаша.
Къатын къылыкъсыз, эр тынчлыкъсыз.
Билим ат болуб да чабар, къуш болуб да учар.
Адамны адамлыгъы къыйынлыкъда айгъакъланады.
Aдам боллукъ, сыфатындан белгили.
Ишни ахырын ойламай, аллын башлама.
Хар зат кесини орнуна иги.
Дуния мал дунияда къалады.
Къарнынг къанлынга кийирир.
Джумушакъ терекни къурт ашар.
Тилсиз миллет джокъ болур.
Рысхы джалгъанды: келген да этер, кетген да этер.
Огъурлуну сёзю – суу, огъурсузну сёзю – уу.
Чакъырылгъанны аты, чакъырылмагъанны багъасы болур.
Къонагъынгы артмагъын алма да, алгъышын ал.
Сабий болмагъан джерде, мёлек болмаз.
Джашынгы кесинг юретмесенг, джашау юретир.
Юре билмеген ит, къонакъ келтирир.
Тойгъан джерден туугъан джер игиди.
Ишге юренсин къоллары, халкъ бла болсун джоллары.
Сёз къанатсыз учар.
Айраннга суу къош, телиге джол бош.
Тил – миллетни джаны.
Ауузу аманнга «иги», деме.
Ёлген ийнек сютлю болур.
Тюз сёз баргъан сууну тыяр.
Билмезни кёзю кёрмез, этмезни къулагъы эшитмез.
Кёкдеги болмаса, джердегин кёрмейди.
Суугъа – чабакъ, къаягъа – ыргъакъ.
Кёзню ачылгъаны – иги, ауузну джабылгъаны – иги.
Ойнай-ойнай кёз чыгъар.
От кюйдюрген, сау болса да, тот кюйдюрген, сау болмаз.
