Айырылгъанланы айю ашар, бёлюннгенлени бёрю ашар.
Ёзденликни кёбю ётюрюк.
Адеб джокъда, намыс джокъ.
Чакъырылмагъан къонакъ къачан кетерин сормаз.
Ишлемеген – тишлемез.
Кёпюр салгъан кеси ётер, уру къазгъан кеси кетер.
Аууз сакълагъан – джан сакълар.
Адебсиз адам – джюгенсиз ат.
Ёлмесенг да, къарт дамы болмазса?
Аууздан келген, къолдан келсе, ким да патчах болур эди.
Ариу сёз джыланны орнундан чыгъарыр.
Тёрдеги кюлсе, эшикдеги ышарыр.
Билеги кючлю, бирни джыгъар, билими кючлю, мингни джыгъар.
Чомартны къолун джокълукъ байлар.
Мени джылытмагъан кюн, меннге тиймесин!
Къалгъан ишге къар джауар.
Ата джурт – алтын бешик.
Дуния малгъа сатылма, кесингден телиге къатылма.
Джукъу тёшек сайламайды.
Аманнга игилик этсенг, юйюнге сау бармазса.
Ишни аллы бла къууанма да, арты бла къууан.
Эки къатын алгъанны къулагъы тынгнгаймаз.
Ач къарным, тынч къулагъым.
Экеулен сёлеше тура эселе, орталарына барыб кирме.
Хазыр ашха – терен къашыкъ.
Бек ашыкъгъан меннге джетсин, дегенди аракъы.
Къулакъдан эсе, кёзге ышан.
Халкъны джырын джырласанг, халкъ санга эжиу этер.
Бет бетге къараса, бет да джерге къарар.
Ауузу аманнга «иги», деме.
Керти сёзге тёре джокъ.
Сибиртки да сыйлы болду, кюрек да кюнлю болду.
Нёгерсизни джолу узун.
Сакъламагъан затынга джолукъсанг, не бек къууанаса, не бек ачыйса.
Битмегеннге сакъал – танг.
Айранын берсенг, челегин да къызгъанма.
Къонакъ хазыр болгъанлыкъгъа, къонакъбай хазыр тюлдю.
Хар зат кесини орнуна иги.
Тилчиден кери бол.
Кёз – сюйген джерде, къол – ауругъан джерде.
Акъыллы – эл иеси, тели – эл баласы.
Эр абынмай, эл танымаз.
Ашда уялгъан – мухар, ишде уялгъан – хомух.
Эли джокъну – кёлю джокъ.
Адамны адамлыгъы къыйынлыкъда айгъакъланады.
Акъыл къартда, джашда тюйюлдю – башдады.
Алтыннга тот къонмаз.
Акъыллы эркиши атын махтар, акъылсыз эркиши къатынын махтар.
Гырджын – тепсини тамадасы.
Кёб джашагъан – кёб билир.
