Тилчи тилден къаныкъмаз.
Джылыгъа джылан илешир.
Ата Джуртун танымагъан, атасын да танымаз.
Телиге акъыл салгъандан эсе, ёлгеннге джан салырса.
Атадан ёксюз – бир ёксюз, анадан ёксюз – эки ёксюз.
Айтылгъан сёз ызына къайтмаз.
Ачлыкъ отха секиртир.
Тойгъан антын унутур.
Асхат ашлыкъ сата, юйдегиси ачдан къата.
Кесинг сынамагъан затны, адамгъа буюрма.
Ёлмесенг да, къарт дамы болмазса?
Алтыннга тот къонмаз.
Къатын байлыкъны сюер, эр саулукъну сюер.
Джангызны оту джарыкъ джанмаз!
Къарын къуру болса, джюрек уру болур.
Къуллукъчума, деб махтанма, къуллукъ – хаух джамчыды!
Агъач халкъгъа алтынды, иссиликге салкъынды.
Узун джолну барсанг, бюгюн келирсе, къысха джолну барсанг, тамбла келирсе.
Эски джаугъа ышанма.
Накъырда – кертини келечиси.
Бал – татлы, балдан да бала – татлы.
Къызны минг тилер, бир алыр.
Биреуню эскиси биреуге джангы болмайды.
Бойнуму джети джерден кессенг да, мен ол ишни этеллик тюлме.
Ариу сёз – къылычдан джити.
Джырчы джырчыгъа – къарнаш.
Билим – акъылны чырагъы.
Тиширыусуз юй – отсуз от джагъа.
Ашда – бёрю, ишде – ёлю.
Бетинги сатма, малынгы сат.
Баш – акъыл ючюн, акъылман – халкъ ючюн.
Урунуу – насыбны анасы.
Ёзденликни кёбю ётюрюк.
Келинин тута билмеген, къул этер, къызын тута билмеген, тул этер.
Кесине гебен этелмеген, биреуге черен эте эди.
Эрине къаргъыш этген къатын, эрнин къабар.
Къумурсхала джыйылсала, пилни да джыгъадыла.
Тамчы таш тешер.
Адеб базарда сатылмаз.
Ач да бол, токъ да бол – намысынга бек бол.
Таула не мийик болсала да, аууш табылыр.
Керек ташны ауурлугъу джокъ.
Айтхан – тынч, этген – къыйын.
Таугъа чыгъаллыкъ эсенг, тюзде къалма.
Биреу къой излей, биреу той излей.
Адам сёзюнден белгили.
Ёгюзню мюйюзюнден тутадыла, адамны сёзюнден тутадыла.
Биреуню къыйынлыгъы бла кесинге джол ишлеме.
Ач къарынны, токъ билмез
Юйлю уругъа ит чабмаз.
