Джарлы джети элни сёзюн этер.
Иши джокъну, сыйы джокъ.
Тас болгъан бычакъны сабы – алтын.
Итли къонакъ джарашмаз.
Накъырданы арты керти болур.
Келинни – келгинчи, бёркню кийгинчи кёр.
Окъуу – билимни ачхычы, окъуу – дунияны бачхычы.
Терслик кетер, тюзлюк джетер.
Къыз келсе, джумуш эте келеди, къатын келсе, ушакъ эте келеди.
Башсыз урчукъ тюзюне айланмаз.
Адебсиз адам – джюгенсиз ат.
Дууулдаса – бал чибин, къонса – къара чибин.
Къарт болгъан джерде, берекет болур, сабий болгъан джерде, оюн болур.
Биреуге кёлтюрген таягъынг, кесинги башынга урур.
Дуния мал дунияда къалады.
Айран тёгюлсе, джугъусу къалыр.
Тёрде – темир таякълы, къаяда – чыпчыкъ аякълы.
Адам сёзге тынгыла, акъыл сёзню ангыла.
Юй кюйдю да, кюйюз чыкъды, ортасындан тюйюш чыкъды.
Орундукъ тюбюнде атылсам да, орта джиликме, де да айлан.
Ётюрюкню башын керти кесер.
Къайгъыны сюйген, къайгъы табар.
Тюкюрюк баш джармаз, налат кёз чыгъармаз!
Тынгылагъан тынгы бузар.
Биреуню тёрюнден, кесинги эшик артынг игиди.
Байны къызы баймакъ болса да, юйде къалмаз!
Хатерли къул болур.
Сакъ юйюне сау барыр.
Къошда джокъгъа – юлюш джокъ.
Бёрю да ач къалмасын, эчки да ашалмасын.
Джигер – джаннга къыйынлыкъ.
Хантына кёре тузу, юйюне кёре къызы.
Башы джабылгъан челекге, кир тюшмез.
Къатыны харакетли болса, эри къымсыз болур.
Ишлегенден, къарагъан уста.
Джюрекден джюрекге джол барды.
Мен да «сен», дейме, сен да «кесим», дейсе.
Кёлю джокъну – джолу джокъ.
Чакъырылгъанны аты, чакъырылмагъанны багъасы болур.
Киштикге къанат битсе, чыпчыкъ къалмаз эди.
Билимли ёлмез, билимсиз кёрмез.
Тёрдеги кюлсе, эшикдеги ышарыр.
Бал чибинни ургъаны – ачы, балы – татлы.
Борчунг бар эсе, хурджунунга ойлаб узал.
Аман эсирсе, юйюн ояр.
Ышармагъан – кюлмез, кюлмеген – къууанчны билмез.
Джырчы ёлсе, джыры къалыр.
Эки элинги тыйсанг, джети элде махталырса.
Джол бла сёзню къыйыры джокъ.
Къуллукъчума, деб махтанма, къуллукъ – хаух джамчыды!
