Эшекни не къадар тюйсенг да, ат болмаз.
Бюгюн дуния кибик, тамбла ахыратды.
Джарлы эскисин джамаса, къууаныр.
Къонакъ кёб келюучю юйню, къазаны отдан тюшмез.
Билмезни кёзю кёрмез, этмезни къулагъы эшитмез.
Адамны сабийин сюйген джюреги, бычакъча, джитиди.
Мухардан ач ычхынмаз.
Ишлегенде эринме, ишде чолакъ кёрюнме.
Ашха уста, юйюнде болсун
Джолда аягъынга сакъ бол, ушакъда тилинге сакъ бол.
Aдам боллукъ, сыфатындан белгили.
Ашда – бёрю, ишде – ёлю.
Аджалсыз ёлюм болмаз.
Борчунг бар эсе, хурджунунга ойлаб узал.
Атынг аманнга чыкъгъандан эсе, джанынг тамагъынгдан чыкъсын.
Ишни аллы бла къууанма да, арты бла къууан.
Иги джашны ышаны – аз сёлешиб, кёб тынгылар.
Тойгъан джерден туугъан джер игиди.
Кесинг сынамагъан затны, адамгъа буюрма.
Эркишини аманы тиширыуну джылатыр.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Бал чибинни ургъаны – ачы, балы – татлы.
Ханы къызы буюгъа-буюгъа киштик болду.
Тенгни тенглиги джашай барсанг билинир.
Кёб къычыргъандан – къоркъма, тынч олтургъандан – къоркъ.
Къартны сыйын кёрмеген, къартлыгъында сыйлы болмаз.
Чомартны къолун джокълукъ байлар.
Эркиши – от, тиширыу – суу.
Джылар джаш, атасыны сакъалы бла ойнар.
Эр сокъур болсун, къатын тилсиз болсун.
Къуллукъчума, деб махтанма, къуллукъ – хаух джамчыды!
Арбаз къынгырды да, ийнек сауалмайма.
Адебсиз адам – джюгенсиз ат.
Душманны тышы – акъ, ичи – къара.
Зар адам ашынгы ашар, кесинги сатар.
Тамбла алтындан бюгюн багъыр ашхы.
Кёпюр салгъан кеси ётер, уру къазгъан кеси кетер.
Акъыл неден да кючлюдю.
Урама да – ёледи, сатама да – келеди.
Намысы джокъну – дуниясы джокъ.
Юйюнг бла джау болгъандан эсе, элинг бла джау бол.
Аманны эки битли тону болур, бирин сеннге кийдирир, бирин кеси киер.
Башы ишлегенни, ауузу да ишлер.
Къарнынг къанлынга кийирир.
Билимден уллу байлыкъ джокъду.
Ургъан суудан башынгы сакъла.
Къарт бла баш аша, джаш бла аякъ аша.
Экеулен сёлеше тура эселе, орталарына барыб кирме.
Аманнга алтын чыдамаз.
Джюз элде джюз ёгюзюм болгъандан эсе, джюз джууугъум болсун.
