Аман къатын алгъан, арыр, иги къатын алгъан джарыр.
Къонакъны къачан кетерин сорма, къачан келлигин сор.
Юре билмеген ит, къонакъ келтирир.
Чомарт бергенин айтмаз.
Чакъырылмагъан джерге барма, чакъырылгъан джерден къалма.
Сакъалы текени да бар, мыйыгъы киштикни да бар.
Уясында не кёрсе, учханында аны этер.
Намыс сатылыб алынмайды.
Кирсизни – саны таза, халалны – къаны таза.
Харам къарнашдан, халал тенг ашхы.
Элиб деген, элге болушур.
Ойнай билмеген, уруб къачар.
Урама да – ёледи, сатама да – келеди.
Малны кют, джерни тюрт.
Ач бёрюге мекям джокъ.
Иги сёз – джаннга азыкъ, аман сёз башха – къазыкъ.
Адеб джокъда, намыс джокъ.
Джашда акъыл джокъ, къартда къарыу джокъ.
Ачыкъ джюрекге джол – ачыкъ.
Къонакъ болсанг, ийнакъ бол.
Нарт сёз – тилни бети.
Джолунга кёре – джюрюшюнг, джагъанга кёре – юлюшюнг.
Чалманны аллы къалай башланса, арты да алай барады.
Джуртун къоругъан озар.
Джарлы тюеге минсе да, ит къабар.
Джетген къыз джерли эшекни танымаз.
Келинин тута билмеген, къул этер, къызын тута билмеген, тул этер.
Чомартха Тейри да борчлуду.
Тешигини къатында, чычхан да батыр болур.
Чабакъгъа акъыл, табагъа тюшсе келеди.
Орундукъ тюбюнде атылсам да, орта джиликме, де да айлан.
Ойнаб айтсанг да, эслеб айт.
Соргъан айыб тюлдю, билмеген айыбды.
Кёб ант этген, кёб ётюрюк айтыр.
Джашынгы кесинг юретмесенг, джашау юретир.
Адамны джюреги нени кёрюрге сюйсе, кёзю да аны кёрюрге ёч болады.
Узун джолну барсанг, бюгюн келирсе, къысха джолну барсанг, тамбла келирсе.
Билим къая тешер.
Ётюрюкню къуйругъу – бир тутум.
Элде адам къалмаса, ит тахтагъа минер.
Тюкюрюк баш джармаз, налат кёз чыгъармаз!
Айранын берсенг, челегин да къызгъанма.
Айтылгъан сёз ызына къайтмаз.
Чакъырылмагъан къонакъ – орунсуз.
Юреннген ауруу къалмаз.
Билим насыб берир, билим джолну керир.
Биреу ашаб къутулур, биреу джалаб тутулур.
Эркишини аманы тиширыуну джылатыр.
Акъыллы – эл иеси, тели – эл баласы.
Суу кетер, таш къалыр.
