Этек чакъмакълары баш джаргъан, сёлешген сёзлери таш джаргъан.
Тойгъанлыкъ къойгъа джарашады.
Уллу къазанда бишген эт, чий къалмаз.
Тулпарлыкъ, билекден тюл – джюрекден.
Элиб деген, элге болушур.
Мен да «сен», дейме, сен да «кесим», дейсе.
Биреу къой излей, биреу той излей.
Къазанны башы ачыкъ болса, итге уят керекди.
Кёбню кёрген – кёб билир.
Биреуню къыйынлыгъы бла кесинге джол ишлеме.
Байны къызы баймакъ болса да, юйде къалмаз!
Юй ишлеген балта эшикде къалыр.
Къонакъ болсанг, ийнакъ бол.
Таукелге нюр джауар.
От кюйдюрген, сау болса да, тот кюйдюрген, сау болмаз.
Къобан да къуру да къобханлай турмайды, адам да къуру да патчахлай турмайды.
Эки элинги тыйсанг, джети элде махталырса.
Ата Джуртча джер болмаз, туугъан элча эл болмаз.
Аман эсирсе, юйюн ояр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Чакъырылмагъан къонакъ – орунсуз.
Хаухну атма, ёнгкючню сатма.
Адеби болмагъан къыз – тузсуз хант.
Аманны къуугъан, аманлыкъ табар.
Миллетни бойну – базыкъ, аны бла кюрешген – джазыкъ.
Элни кючю – эмеген.
Ач уят къоймаз.
Джеринден айырылгъан – джети джылар, джуртундан айырылгъан – ёлгюнчю джылар.
Тенгни тенглиги джашай барсанг билинир.
Мал тутхан – май джалар.
Керилген да, ургъан кибикди.
Байлыкъ келсе, акъыл кетер.
Урама да – ёледи, сатама да – келеди.
Кёбге таш атма.
Ауурну тюбю бла, дженгилни башы бла джюрюген.
Джауумдан сора, кюн кюйдюрюр, ётюрюкден сора, айыб кюйдюрюр.
Кимни – тили, тиши онглу, кимни – къолу, иши онглу.
Эр сокъур болсун, къатын тилсиз болсун.
Зар адам ашынгы ашар, кесинги сатар.
Алтыда кюлмеген, алтмышда кюлмез.
Ургъан суудан башынгы сакъла.
Къарыусузгъа кюлме, онгсузгъа тийме.
Алгъанда – джууукъ, бергенде – джау.
Билген билмегенни юретген адетди.
Керек ташны ауурлугъу джокъ.
Кёзю сокъурдан – къоркъма, кёлю сокъурдан – къоркъ.
Айырылмаз джууугъунга, унутмаз сёзню айтма.
Аджашхан тёгерек айланыр.
Къонагъынгы артмагъын алма да, алгъышын ал.
Эки ойлашыб, бир сёлешген.
