Керилген да, ургъан кибикди.
Аман къатын алгъан, арыр, иги къатын алгъан джарыр.
Аз айтсам, кёб ангылагъыз.
Керек ташны ауурлугъу джокъ.
Къозулугъунда тоймагъан, къойлугъунда тоймаз.
Чоюнну башы ачыкъ болса, итге уят керекди.
Кесине гебен этелмеген, биреуге черен эте эди.
Элни кючю – эмеген.
Къарт болгъан джерде, берекет болур, сабий болгъан джерде, оюн болур.
Адам боллукъ, атламындан белгили болур.
Къызын тута билмеген, тул этер, джашын тута билмеген, къул этер.
Адеб джокъда, намыс джокъ.
Джашлыкъ этмеген, башлыкъ этмез.
Сютден ауузу кюйген, суугъа юфгюре эди.
Кёбден умут этиб, аздан къуру къалма.
Этим кетсе да, сюегим къалыр.
Джан саулукъ бермей, сан саулукъ бермезсе.
Къолунгдан къуймакъ ашатсанг да, атаны борчундан къутулмазса.
Эшекге миннген – биринчи айыб, андан джыгъылгъан – экинчи айыб.
Ёнгкюч къууана барыр, джылай келир.
Нарт сёз – тилни бети.
Кёз – сюйген джерде, къол – ауругъан джерде.
Ариуну – ауруу кёб.
Окъуу – билимни ачхычы, окъуу – дунияны бачхычы.
Ариу джол аджал келтирмез.
Ашхы болсанг, атынг чыгъар, аман болсанг, джанынг чыгъар.
Аманны тукъумуна къарама, игини тукъумун сорма.
Ат да турмайды бир териде.
Онгсузну – джакъла, тенгликни – сакъла.
Чакъырылмагъан къонакъ тёрге атламаз.
Кёлсюзден сёзсюз тууар.
Ёлюр джаннга, ёкюл джокъ.
Башынга джетмегенни сорма.
Атлыны кёрсе, джаяуну буту талыр.
Аш хазыр болса, иш харам болур.
Булут кёкге джарашыу, уят бетге джарашыу.
Ач бёрюге мекям джокъ.
Намысы болмагъанны, сыйы болмаз.
Тилчи бир сагъатха айлыкъ хата этер.
Джаханимни кёрмей, джандетге кёл салмазса.
Ана къолу ачытмаз.
Тил бла келеди джыр да.
Рысхысына кёре, джаш ёсер, къышлыгъына кёре, мал ёсер.
Уллу сёзде уят джокъ.
Мал кёб болса, джууукъ кёб болур.
Къар – келтирди, суу – элтди.
Окъугъан – асыу, окъумагъан – джарсыу.
Малны кют, джерни тюрт.
Ишин билген, аны сыйын чыгъарады.
Къалгъан ишге къар джауар.
