Эр абынмай, эл танымаз.
Къартха ушагъан джаш – акъыллы, джашха ушагъан къарт – тели.
Адамны сабийин сюйген джюреги, бычакъча, джитиди.
Аз сёлешген, къайгъысыз турур.
Аллахха ийнаннган кишини, Аллах онгдурур ишин.
Джылар джаш, атасыны сакъалы бла ойнар.
Чабакъгъа акъыл, табагъа тюшсе келеди.
Байлыкъ болгъан джерде, тынчлыкъ джокъду.
Тойгъа барсанг, тоюб бар, эски тонунгу къоюб бар.
Чомартны къолу берекет.
Джарашыу сюйген – джалынчакъ.
Ойнаб айтсанг да, эслеб айт.
Тамбла алтындан бюгюн багъыр ашхы.
Босагъагъа джууукъ орун болса, ашыгъыб тёрге озма.
Тин – байлыгъынг, терен саулугъунг.
Адам боллукъ, атламындан белгили болур.
Билим ат болуб да чабар, къуш болуб да учар.
Орундукъ тюбюнде атылсам да, орта джиликме, де да айлан.
Эки къатын алгъан – эки ташны ортасына башын салгъан.
Ёгюзню мюйюзюнден тутадыла, адамны сёзюнден тутадыла.
Къарнынг тойгъунчу аша да, белинг талгъынчы ишле.
Борчунг бар эсе, хурджунунга ойлаб узал.
Дуния малгъа сатылма, кесингден телиге къатылма.
Кесинге джетмегенни, кёб сёлешме.
Иесиз малны бёрю ашар.
Джетген къыз джерли эшекни танымаз.
Тил – кесген бычакъ, сёз – атылгъан окъ.
Ата Джуртун танымагъан, атасын да танымаз.
Тили узунну, намысы – къысха.
Билмезни кёзю кёрмез, этмезни къулагъы эшитмез.
Алма терегинден кери кетмез.
Джарлыны тону джаз битер.
Кёзю сокъурдан – къоркъма, кёлю сокъурдан – къоркъ.
Эл бла кёргенинг эрелей.
Иги сёз – джаннга азыкъ, аман сёз башха – къазыкъ.
Мен да «сен», дейме, сен да «кесим», дейсе.
Аджаллыгъа окъсуз шкок атылыр.
Айыбны суу бла джууалмазса.
Атадан ёксюз – бир ёксюз, анадан ёксюз – эки ёксюз.
Адеби болмагъан къыз – тузсуз хант.
Биреу къой излей, биреу той излей.
Намысы болмагъанны, сыйы болмаз.
Бетинги сатма, малынгы сат.
Ётюрюкню къуйругъу – бир тутум.
Айтылгъан буйрукъ, сёгюлмез
Шапа кёб болса, аш татымсыз болур.
Мал тутхан – май джалар.
Джерни букъусу кёкге къонмаз.
Сютню башын джалагъан къутулур, тюбюн ичген тутулур.
Ишлегенден, къарагъан уста.
