Ишлегенде эринме, ишде чолакъ кёрюнме.
Джумушакъ сёз къаты таякъны сындырыр.
Къая джолда джортма, ачыкъ сёзден къоркъма.
Чакъырылмагъан къонакъ къачан кетерин сормаз.
Кёлсюзден сёзсюз тууар.
Аш иеси бла татлыды.
Ашарыкъда сайлагъаннга – чий гырджын.
Адамны бетине къарама, адетине къара.
Уруну арты – къуру.
Экеу тутушса, биреу джыгъылыр.
Таугъа чыгъаллыкъ эсенг, тюзде къалма.
Ашхы сёз таш тешер.
Чакъырылмагъан джерге барма, чакъырылгъан джерден къалма.
Оюмсуз атлагъан, аджалсыз ёлюр.
Джукъу тёшек сайламайды.
Къартны бурнун сюрт да, оноугъа тут.
Телиге от эт десенг, юйюнге от салыр.
Аллахдан тилесенг, кёб тиле.
«Ма», - дегенни билмесенг, «бер», - дегенни билмезсе.
Тик ёргени, тик энгишгеси да болады.
Билгенни къолу къарны джандырыр.
Чакъырылмай келген къонакъ сыйланмай кетер.
Иги болса, тамадама – махтау, аман болса, меннге – айыб.
Ётюрюкден тюбю джокъ, кёлтюрюрге джиби джокъ.
Джолунга кёре – джюрюшюнг, джагъанга кёре – юлюшюнг.
Кёбню кёрген – кёб билир.
Кюн кёрмеген, кюн кёрсе, кюндюз чыракъ джандырыр.
Нёгер болсанг, тенг бол, тенг болмасанг, кенг бол.
Тойну къарнашы – харс, джырны къарнашы – эжиу.
Къазанчы аман болса, къазаны къайнамаз.
Кёз – сюйген джерде, къол – ауругъан джерде.
Къызны минг тилер, бир алыр.
Сибиртки да сыйлы болду, кюрек да кюнлю болду.
Джолда аягъынга сакъ бол, ушакъда тилинге сакъ бол.
Тамбла алтындан бюгюн багъыр ашхы.
Арбаз къынгырды да, ийнек сауалмайма.
Эринчекге кюн узун.
Ашыкъгъанны этеги бутуна чырмалыр.
Аман эсирсе, юйюн ояр.
Къыз чыгъаргъан – къызыл къымжа.
Хоншуну тауугъу къаз кёрюнюр, келини къыз кёрюнюр.
Кёкдеги болмаса, джердегин кёрмейди.
Чабакъгъа акъыл, табагъа тюшсе келеди.
Эртде тургъан джылкъычыны эркек аты тай табар.
Ачыу алгъа келсе, акъыл артха къалады.
Терслик кетер, тюзлюк джетер.
Джаш болсун, къыз болсун, акъылы, саны тюз болсун.
Къолунгдан къуймакъ ашатсанг да, атаны борчундан къутулмазса.
Джыгъылгъанны сырты джерден тоймаз.
Къууут – джелге, берне – бошха.
