Келлик заман – къартлыкъ келтирир, кетген заман – джашлыкъ ёлтюрюр.
Сибиртки да сыйлы болду, кюрек да кюнлю болду.
Ишин билген, аны сыйын чыгъарады.
Окъдан джара эртде-кеч болса да бителир, сёз джара, ёмюрге къалыр.
Хар сёзню орну барды.
Тёрдеги кюлсе, эшикдеги ышарыр.
Кёз – сюйген джерде, къол – ауругъан джерде.
Акъылсызны джууукъгъа алма, акъыллыны кенгнге салма.
Ауузу аманнга «иги», деме.
Бек ашыкъгъан меннге джетсин, дегенди аракъы.
Къарын къуру болса, джюрек уру болур.
Къууут – джелге, берне – бошха.
Билимсиз иш бармаз.
Къоркъакъны кёзю экили кёрюр.
Чалманны аллы къалай башланса, арты да алай барады.
Адамны аманы адамны бети бла ойнар.
Азыкъ аз болса, эртде орун сал.
Чомартны къолун джокълукъ байлар.
Эки къатын алгъан – эки ташны ортасына башын салгъан.
Окъ къызбайны джокълайды.
Акъыллы айтыр эди, акъылсыз къоймайды.
Ётюрюкчюню шагъаты – къатында.
Башы джабылгъан челекге, кир тюшмез.
Соргъан айыб тюлдю, билмеген айыбды.
Къанны къан бла джуума, аманны аман бла къуума.
Аман киши кеси юйюнде – къонакъ.
Берекет берсин деген джерде, берекет болур.
Биреуге кёлтюрген таягъынг, кесинги башынга урур.
Ашаса, ашамаса да, бёрюню ауузу – къан.
Борчунг бар эсе, хурджунунга ойлаб узал.
Атынг аманнга чыкъгъандан эсе, джанынг тамагъынгдан чыкъсын.
Иги болса, тамадама – махтау, аман болса, меннге – айыб.
Мухарны эси – ашарыкъда.
Гыдай эчки суугъа къараб, мюйюзле кёрмесе, джашма алкъын, дегенди.
Татлы тилде – сёз ариу, чемер къолда – иш ариу.
Ойнай-ойнай кёз чыгъар.
Адамны аты башхача, акъылы да башхады.
Таякъ этден ётер, тил сюекден ётер.
Тил бла келеди джыр да.
Игиге айтсанг – билир, аманнга айтсанг – кюлюр.
Магъанасыз сёз – тауушсуз сыбызгъы.
Абынмазлыкъ аякъ джокъ, джангылмазлыкъ джаякъ джокъ.
Эринчекни эр алмаз, эр алса да, кёл салмаз, кёл салса да, кёб бармаз!
Окъумагъан сокъурду, сокъур ташха абыныр!
Ишлемеген – тишлемез.
Накъырда – кертини келечиси.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ач уят къоймаз.
Кёб джашагъан – кёб билир.
Ауругъанны сау билмез, ач къарынны токъ билмез.
