Джукъу тёшек сайламайды.
Азыкълы ат арымаз, къатыны аман джарымаз.
Ётюрюкню къуйругъу – бир тутум.
Эркишиге тары кебек танг кёрюнюр.
Сютден ауузу кюйген, суугъа юфгюре эди.
Мадар болса, къадар болур.
Тойгъа барсанг, тоюб бар, эски тонунгу къоюб бар.
Ёлген эшек бёрюден къоркъмайды.
Кёрмегеннге кебек – танг, битмегеннге сакъал – танг.
Уясында не кёрсе, учханында аны этер.
Ашарыкъда сайлагъаннга – чий гырджын.
Терслик кетер, тюзлюк джетер.
Бети къызарыучу адамны, джюреги харам болмаз.
Чакъырылгъанны аты, чакъырылмагъанны багъасы болур.
Адеб базарда сатылмаз.
Сютню башын джалагъан къутулур, тюбюн ичген тутулур.
Къарнынг къанлынга кийирир.
Ишлемеген – тишлемез.
Кийимни бичсенг, кенг бич, тар этген къыйын тюлдю.
Чакъырылмагъан къонакъ – орунсуз.
Эл бла кёргенинг эрелей.
Эте билген, этген этеди, эте билмеген, юретген этеди!
Соргъан айыб тюлдю, билмеген айыбды.
Тил – кесген бычакъ, сёз – атылгъан окъ.
Тенгинг джокъ эсе – изле, бар эсе – сакъла!
Къызбайны юйюне дери сюрсенг, батыр болур.
Ашхы – джыяр, аман – джояр.
Биреуню тёрюнден, кесинги эшик артынг игиди.
Дженгил джетерикме деб, узун джолну къоюб, къысхасын барма.
Мал кёб болса, джууукъ кёб болур.
Чёбню кёлтюрсенг, тюбюнден сёз чыгъар.
Иги сёз – джаннга азыкъ, аман сёз башха – къазыкъ.
Эринчекни эр алмаз, эр алса да, кёл салмаз, кёл салса да, кёб бармаз!
Акъыл бла адеб эгизледиле.
Иги адам абынса да, джангылмаз.
Адам сёзге тынгыла, акъыл сёзню ангыла.
Адамны артындан къара сабан сюрме.
Билим ат болуб да чабар, къуш болуб да учар.
Ач къарынны, токъ билмез
Битмегеннге сакъал – танг.
Сабийликде юретмесенг, уллу болса – тюзелмез.
Бет бетге къараса, бет да джерге къарар.
Джеринден айырылгъан – джети джылар, джуртундан айырылгъан – ёлгюнчю джылар.
Къар – келтирди, суу – элтди.
Эл элде бирер малынг болгъандан эсе, бирер тенгинг болсун.
Дуния малгъа сатылма, кесингден телиге къатылма.
Келгинчи, къонакъ уялыр, келгенден сора, къонакъбай уялыр.
Джолунга кёре – джюрюшюнг, джагъанга кёре – юлюшюнг.
Зарда марда джокъ.
Хазыр ашха – терен къашыкъ.
