Аш иеси бла татлыды.
Биреуню тёрюнден, кесинги эшик артынг игиди.
Тиширыусуз юй – отсуз от джагъа.
Сескекли кесин билдирир.
Ата Джуртуму башы болмасам да, босагъасында ташы болайым.
Кёб къычыргъандан – къоркъма, тынч олтургъандан – къоркъ.
Айыбны суу бла джууалмазса.
Къартны сыйын кёрмеген, къартлыгъында сыйлы болмаз.
Малны кют, джерни тюрт.
Арпа, будай – ащды, алтын, кюмюш а – ташды.
Ёлмесенг да, къарт дамы болмазса?
Тил бла келеди джыр да.
Къыз чыгъаргъан – къызыл къымжа.
Уллу айтханны этмеген – уллаймаз.
Бети – къучакълар, джюреги – бычакълар.
Ойнаб айтсанг да, эслеб айт.
Хатерли къул болур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Садакъачыны джаны – къапчыгъында.
Ёксюзню къалачы уллу кёрюнюр.
Сакъалы текени да бар, мыйыгъы киштикни да бар.
Джырына кёре эжиую.
Суу да къайтады чыкъгъан джерине.
Эртде тургъан бла эртде юйленнген сокъуранмаз.
Намысы болмагъанны, сыйы болмаз.
Джол бла сёзню къыйыры джокъ.
Джарлыны тону джаз битер.
Душманны тышы – акъ, ичи – къара.
Джарлы джети элни сёзюн этер.
Тюзлюк шохлукъну бегитир.
Кийиминг бла танылма, адамлыкъ бла таныл.
Рысхы – сют юсюнде кёмюк кибикди.
Ашыкъгъанны этеги бутуна чырмалыр.
Иги сёз – джаннга азыкъ, аман сёз башха – къазыкъ.
Атадан ёксюз – бир ёксюз, анадан ёксюз – эки ёксюз.
Чомартны къолун джокълукъ байлар.
Бек анасы джыламаз.
Ашыкъгъан cуу, тенгизге джетмез.
Этни бети бла шорпасы.
Айтхан сёзюне табылгъан.
Адебни адебсизден юрен.
Тас болгъан бычакъны сабы – алтын.
Чомарт къолда мал къалмаз.
Къыйынлы джети элге оноу этер.
Джюз элде джюз ёгюзюм болгъандан эсе, джюз джууугъум болсун.
Урунуу – насыбны анасы.
Джуртун къоругъан озар.
Бастасын ашагъан, хантусун да ичер.
Сагъыш – къартлыкъгъа сюйюмчю.
Хар адамгъа кеси миннген тау кибик.
