Тюкюрюк баш джармаз, налат кёз чыгъармаз!
Нарт сёз – тилни бети.
Ёлген ийнек сютлю болур.
Бёрю да ач къалмасын, эчки да ашалмасын.
Къонакъ болсанг, ийнакъ бол.
Хар адамгъа кеси миннген тау кибик.
Биреуню эскиси биреуге джангы болмайды.
Ишге юренсин къоллары, халкъ бла болсун джоллары.
Аманны къуугъан, аманлыкъ табар.
Къазанчы аман болса, къазаны къайнамаз.
Тойчу джашха къарама, къойчу джашха къара.
Къаллай салам берсенг, аллай джууаб алырса.
Кёзю сокъурдан – къоркъма, кёлю сокъурдан – къоркъ.
Окъуу – билимни ачхычы, окъуу – дунияны бачхычы.
Адеб базарда сатылмаз.
Хаухну атма, ёнгкючню сатма.
Урунуу – насыбны анасы.
Тамбла алтындан бюгюн багъыр ашхы.
Ашхы атаны – джашы ашхы, ашхы ананы – къызы ашхы.
Суу да къайтады чыкъгъан джерине.
Тойгъан джерден туугъан джер игиди.
Эли джокъну – кёлю джокъ.
Ариу джол аджал келтирмез.
Окъугъанны бети джарыкъ.
Къобан да къуру да къобханлай турмайды, адам да къуру да патчахлай турмайды.
Чомартны къолу берекет.
Чакъырылмагъан къонакъ – орунсуз.
Уллу суу бла уллу ауруудан башынгы сакъла.
Эрни эр этерик да, къара джер этерик да, тиширыуду.
Аман киши кеси юйюнде – къонакъ.
Киштикге къанат битсе, чыпчыкъ къалмаз эди.
Хата – гитчеден.
Мал ёлсе, сюек къалыр, адам ёлсе, иши къалыр.
Адамны джюреги нени кёрюрге сюйсе, кёзю да аны кёрюрге ёч болады.
Келгинчи, къонакъ уялыр, келгенден сора, къонакъбай уялыр.
Ач къарынны, токъ билмез
Булут кёкге джарашыу, уят бетге джарашыу.
Джарлы тюеге минсе да, ит къабар.
Бастасын ашагъан, хантусун да ичер.
Хунаны тюбюн къазсанг, юсюнге ауар.
Халкъгъа джарагъан, джарлы къалмаз.
Джашынгы кесинг юретмесенг, джашау юретир.
Минг тенг да азды, бир джау да кёбдю.
Сакъалы текени да бар, мыйыгъы киштикни да бар.
Тиширыусуз юй – отсуз от джагъа.
Ата Джуртча джер болмаз, туугъан элча эл болмаз.
Атынг аманнга чыкъгъандан эсе, джанынг тамагъынгдан чыкъсын.
Ёксюзню къалачы уллу кёрюнюр.
Игилик игилик бла сингдирилиучю затды.
Алгъанда – джууукъ, бергенде – джау.
