Сёлеш деб шай берген, тохта деб, сом берген.
Зар адам ашынгы ашар, кесинги сатар.
Рысхы – сют юсюнде кёмюк кибикди.
Ашын ашагъанынгы, башын да сыйла.
Биреуге аманлыкъ этиб, кесинге игилик табмазса.
Къатын байлыкъны сюер, эр саулукъну сюер.
Окъугъан озар, окъумагъан тозар.
Уллу къашыкъ эрин джыртар.
Ишлемеген – тишлемез.
Къанны къан бла джуума, аманны аман бла къуума.
Аллахха ийнаннган кишини, Аллах онгдурур ишин.
Ёлген ийнек сютлю болур.
Кёкдеги болмаса, джердегин кёрмейди.
Тин – байлыгъынг, терен саулугъунг.
Бек анасы джыламаз.
Къыз тиширыу кеси юйюнде да къонакъды.
Айныгъанлы алты кюн, тогъайгъанлы тогъуз кюн.
Ана къолу ачытмаз.
Уруну арты – къуру.
Билимли ёлмез, билимсиз кёрмез.
Къонакъ болсанг, ийнакъ бол.
Къарны аманнга къазан такъдырма, къолу аманнга от джакъдырма.
Джигер – джаннга къыйынлыкъ.
Акъыллы айтыр эди, акъылсыз къоймайды.
Тюкюрюк баш джармаз, налат кёз чыгъармаз!
Биреу ашаб къутулур, биреу джалаб тутулур.
Ашхылыкъ джерде джатмайды, аманлыкъ суугъа батмайды.
Байны къызы баймакъ болса да, юйде къалмаз!
Ашха уста, юйюнде болсун
Юйюнгден чыкъдынг – кюнюнгден чыкъдынг.
Халкъгъа джарагъан, джарлы къалмаз.
Хунаны тюбюн къазсанг, юсюнге ауар.
Къуллукъчума, деб махтанма, къуллукъ – хаух джамчыды!
Чабакъ башындан чирийди.
Сууда джау джокъ, кёб сёзде магъана джокъ.
Уллу айтханны этмеген – уллаймаз.
Къонагъы джокъну – шоху джокъ.
Ёлмесенг да, къарт дамы болмазса?
Сакъламагъан затынга джолукъсанг, не бек къууанаса, не бек ачыйса.
Аш берме да, къаш бер.
Ашхы болсанг, атынг чыгъар, аман болсанг, джанынг чыгъар.
Ойнай-ойнай кёз чыгъар.
Нарт сёз – тилни бети.
Айырылмаз джууугъунга, унутмаз сёзню айтма.
Намыс сатылыб алынмайды.
Этек чакъмакълары баш джаргъан, сёлешген сёзлери таш джаргъан.
Сёз садакъдан кючлюдю.
Бастасын ашагъан, хантусун да ичер.
Зар адамны насыбы болмаз.
Окъугъан – асыу, окъумагъан – джарсыу.
