Къызбайны юйюне дери сюрсенг, батыр болур.
Экеу тутушса, биреу джыгъылыр.
Мал тутхан – май джалар.
Джашынгы кесинг юретмесенг, джашау юретир.
Джаш болсун, къыз болсун, акъылы, саны тюз болсун.
Кийиминг бла танылма, адамлыкъ бла таныл.
Сакъламагъан затынга джолукъсанг, не бек къууанаса, не бек ачыйса.
Аманны тукъумуна къарама, игини тукъумун сорма.
Тау башында, тау болмаз, джангыз терек, бау болмаз.
Джарлы джети элни сёзюн этер.
Аллахдан тилесенг, кёб тиле.
Сёз – кюмюш, джыр – алтын.
Гугук кесини атын айтыб къычыргъанча, мен, мен деб нек тураса?
Биреуге кёлтюрген таягъынг, кесинги башынга урур.
Окъугъан озар, окъумагъан тозар.
Джол бла сёзню къыйыры джокъ.
Бичгенде ашыкъма, тикгенде ашыкъ.
Кесине гебен этелмеген, биреуге черен эте эди.
Ач келгенни – тойдур, кеч келгенни – къондур.
Тил – миллетни джаны.
Дуния мал дунияда къалады.
Хата – гитчеден.
Сескекли кесин билдирир.
Эки къатын алгъан – эки ташны ортасына башын салгъан.
Ёлген аслан – сау чычхан.
Кёкдеги болмаса, джердегин кёрмейди.
Тюзлюк тас болмайды.
Джиби бир къат джетмей эди да, эки къат тарта эди.
Намысы джокъну – дуниясы джокъ.
Тойгъан антын унутур.
Тешигини къатында, чычхан да батыр болур.
Мухардан ач ычхынмаз.
Адамны аты башхача, акъылы да башхады.
Къонагъы джокъну – шоху джокъ.
Уллу айтханны этмеген – уллаймаз.
Ата – баланы уясы.
Орундукъ тюбюнде атылсам да, орта джиликме, де да айлан.
Къарт айтханны этмеген, къартаймаз.
Эринчекге кюн узун.
Биреу къой излей, биреу той излей.
Кёлсюзден сёзсюз тууар.
Уллу атлама – абынырса, уллу къабма – къарылырса.
Кимни – тили, тиши онглу, кимни – къолу, иши онглу.
Бети къызарыучу адамны, джюреги харам болмаз.
Кёл – къызбай, къол – батыр.
Илму – джашауну джолу.
Айырылмаз джууугъунга, унутмаз сёзню айтма.
Дженгил джетерикме деб, узун джолну къоюб, къысхасын барма.
Хар ишни да аллы къыйынды.
Ач, тоймам, дейди, тойгъан, ач болмам, дейди.
