Келгинчи, къонакъ уялыр, келгенден сора, къонакъбай уялыр.
Сакъ юйюне сау барыр.
Эркиши – от, тиширыу – суу.
Ашхылыкъ джерде джатмайды, аманлыкъ суугъа батмайды.
Тамырсыз терекге таянма – джыгъылырса.
Этни да ашады, бетни да ашады.
Гитче джилтин уллу элни джандырыр.
Джангыз торгъай джырламаз.
От кюйдюрген, сау болса да, тот кюйдюрген, сау болмаз.
Аз сёлеш, кёб ишле.
Кёзю сокъурдан – къоркъма, кёлю сокъурдан – къоркъ.
Кирсизни – саны таза, халалны – къаны таза.
Иги сёз – джаннга азыкъ, аман сёз башха – къазыкъ.
Адеб этмеген, адеб кёрмез.
Кенгеш болса, уруш болмаз.
Окъдан джара эртде-кеч болса да бителир, сёз джара, ёмюрге къалыр.
Джарлыны эшигин махтагъан джабар.
Джаралыны джастыгъында сау ёлюр.
Босагъагъа джууукъ орун болса, ашыгъыб тёрге озма.
Тюз сёз баргъан сууну тыяр.
Ишни ахырын ойламай, аллын башлама.
Нарт сёз – тилни бети.
Джарлы эскисин джамаса, къууаныр.
Аджал соруб келмез, келсе, къайтыб кетмез.
Урунуу – насыбны анасы.
Танг атмайма десе да, кюн къоярыкъ тюйюлдю.
Ана – юйню кюн джарыгъы.
Айырылгъанланы айю ашар, бёлюннгенлени бёрю ашар.
Къайгъы тюбю – тенгиз.
Джети тилни билген джети кишиди.
Акъыллы айтыр эди, акъылсыз къоймайды.
Бал – татлы, балдан да бала – татлы.
Эринчекге кюн узун.
Адамны сабийин сюйген джюреги, бычакъча, джитиди.
Алгъанда – джууукъ, бергенде – джау.
Кёз – сюйген джерде, къол – ауругъан джерде.
Аман хансны – урлугъу кёб.
Ана кёлю – балада, бала кёлю – талада.
Ауурну тюбю бла, дженгилни башы бла джюрюген.
Къызны минг тилер, бир алыр.
Ариу сёзде ауруу джокъ.
Эркишиге тары кебек танг кёрюнюр.
Телиге от эт десенг, юйюнге от салыр.
Иги джашны ышаны – аз сёлешиб, кёб тынгылар.
Хунаны тюбюн къазсанг, юсюнге ауар.
Аман эсирсе, юйюн ояр.
Малны кют, джерни тюрт.
Кийимни бичсенг, кенг бич, тар этген къыйын тюлдю.
Телини эшигин, махтау джабар.
Къарнынг бла ёч алма.
