Ата Джуртча джер болмаз, туугъан элча эл болмаз.
Орну джокъну – сыйы джокъ.
Хоншуну тауугъу къаз кёрюнюр, келини къыз кёрюнюр.
Джаш къарыу бла кючлю, къарт акъыл бла кючлю.
Джаным-тиним – окъуу, билим.
Агъач халкъгъа алтынды, иссиликге салкъынды.
Бозанг болмагъан джерге, къалагъынгы сукъма.
Элде адам къалмаса, ит тахтагъа минер.
Аш берме да, къаш бер.
Баланы адам этген анады.
Иги – алгъыш этер, аман – къаргъыш этер.
Къарны аманнга къазан такъдырма, къолу аманнга от джакъдырма.
Чакъырылмагъан джерге барма, чакъырылгъан джерден къалма.
Бет бетге къараса, бет да джерге къарар.
Таукел тауну аудурур.
Эллинг бла джау болсанг да, юйюнг бла джау болма.
Зарда марда джокъ.
Джолда аягъынга сакъ бол, ушакъда тилинге сакъ бол.
Тойну къарнашы – харс, джырны къарнашы – эжиу.
Ашын ашагъанынгы, башын да сыйла.
Тойгъа барсанг, тоюб бар, эски тонунгу къоюб бар.
Джырчы джырчыгъа – къарнаш.
Келинин тута билмеген, къул этер, къызын тута билмеген, тул этер.
Ашына кёре табагъы, балына кёре къалагъы.
Урама да – ёледи, сатама да – келеди.
Айныгъанлы алты кюн, тогъайгъанлы тогъуз кюн.
Эринчекни эр алмаз, эр алса да, кёл салмаз, кёл салса да, кёб бармаз!
Эркиши – от, тиширыу – суу.
Адебни адебсизден юрен.
Эм ашхы къайын ана мамукъ бла башынгы тешер.
Ойнай билмеген, оюн бузар.
Тойгъан джерге джети къайт.
Татлы сёз – балдан татлы.
Адеб этмеген, адеб кёрмез.
Эки элинги тыйсанг, джети элде махталырса.
Ачыу алгъа келсе, акъыл артха къалады.
Малны кют, джерни тюрт.
Этни бети бла шорпасы.
Телиге акъыл салгъандан эсе, ёлгеннге джан салырса.
Борчунг бар эсе, хурджунунга ойлаб узал.
Къобан да къуру да къобханлай турмайды, адам да къуру да патчахлай турмайды.
Сакъламагъан затынга джолукъсанг, не бек къууанаса, не бек ачыйса.
Адам сёзюнден белгили.
Эшекни не къадар тюйсенг да, ат болмаз.
Кюлме джашха – келир башха.
Иги джашны ышаны – аз сёлешиб, кёб тынгылар.
Хар сёзню орну барды.
Байны оноуу, джарлыгъа джарамаз.
Аджашхан тёгерек айланыр.
Хантына кёре тузу, юйюне кёре къызы.
