Джогъун бар этген, барын бал этген.
Аллахха ийнаннган кишини, Аллах онгдурур ишин.
Келлик заман – къартлыкъ келтирир, кетген заман – джашлыкъ ёлтюрюр.
Ариу сёзде ауруу джокъ.
Аманнга да, игиге да оноусуз къатышма.
Ашлыкъны арба юйге келтирир, чана базаргъа элтир.
Келгинчи, къонакъ уялыр, келгенден сора, къонакъбай уялыр.
Намыс сатылыб алынмайды.
Ач уят къоймаз.
Зар адам ашынгы ашар, кесинги сатар.
Кесине оноу эте билмеген, халкъына да эте билмез.
Ауругъанны сау билмез, ач къарынны токъ билмез.
Суу да къайтады чыкъгъан джерине.
Чёбню кёлтюрсенг, тюбюнден сёз чыгъар.
Аман адам этегингден тутса, кес да къач.
Сёз – кюмюш, джыр – алтын.
Ачлыкъ отха секиртир.
Орундукъ тюбюнде атылсам да, орта джиликме, де да айлан.
Ана кёлю – балада, бала кёлю – талада.
Тау башында, тау болмаз, джангыз терек, бау болмаз.
Кёл ашады да, кеси ашады.
Къалгъан ишге къар джауар.
Мухардан ач ычхынмаз.
Тамчы таш тешер.
Аллахдан тилесенг, кёб тиле.
Керти сёзге тёре джокъ.
Тил бла келеди джыр да.
Тёрде – темир таякълы, къаяда – чыпчыкъ аякълы.
Эки итни арасына сюек атма, эки адамны арасында сёз чыгъарма.
Аджашхан тёгерек айланыр.
Таула не мийик болсала да, аууш табылыр.
Ойнай билмеген, оюн бузар.
Ата – билек, ана – джюрек!
Къарт болгъан джерде, берекет болур, сабий болгъан джерде, оюн болур.
Ёксюзню тилеги къабыл болур.
Джыйырма къойну юч джыйырма эбзе кюте эди.
Тенги кёбню джау алмаз, акъылы кёбню дау алмаз.
Ашхы болсанг, атынг чыгъар, аман болсанг, джанынг чыгъар.
Эте билген, этген этеди, эте билмеген, юретген этеди!
Юйюнгден чыкъдынг – кюнюнгден чыкъдынг.
Телиге от эт десенг, юйюнге от салыр.
Иги сёз – джаннга азыкъ, аман сёз башха – къазыкъ.
Эшекге миннген – биринчи айыб, андан джыгъылгъан – экинчи айыб.
Баш болса, бёрк табылыр.
Итли къонакъ джарашмаз.
Ата джурт – алтын бешик.
Мал тутхан – май джалар.
Окъугъанны бети джарыкъ.
Билим насыб берир, билим джолну керир.
Ёнгкюч къууана барыр, джылай келир.
