Чакъырылгъанны аты, чакъырылмагъанны багъасы болур.
Джаз бир кюнню джатсанг, къыш талай кюнню абынырса.
Ач келгенни – тойдур, кеч келгенни – къондур.
Адеб базарда сатылмаз.
Къонакъны къачан кетерин сорма, къачан келлигин сор.
Аш берме да, къаш бер.
Биреуге аманлыкъны тилеме да, кесинге ашхылыкъны тиле.
Намысы джокъну – дуниясы джокъ.
Ишге юренсин къоллары, халкъ бла болсун джоллары.
Аллахдан тилесенг, кёб тиле.
Кёпюр салгъан кеси ётер, уру къазгъан кеси кетер.
Уллу сёлешме да, уллу къаб.
Аманны эки битли тону болур, бирин сеннге кийдирир, бирин кеси киер.
Ана къойну – балагъа джандет.
Къоркъакъны кёзю экили кёрюр.
Тау башында, тау болмаз, джангыз терек, бау болмаз.
Ариу джол аджал келтирмез.
Тёзген – тёш ашар!
Къартны сыйын кёрмеген, къартлыгъында сыйлы болмаз.
Ата – баланы уясы.
Иги болса, тамадама – махтау, аман болса, меннге – айыб.
Насыб бютеу халкъны юлюшюдю.
Къулакъдан эсе, кёзге ышан.
Ашаса, ашамаса да, бёрюню ауузу – къан.
Къанны къан бла джуума, аманны аман бла къуума.
Байлыкъ болгъан джерде, тынчлыкъ джокъду.
Нафысынгы айтханын этме, намысынгы айтханын эт.
Адам туугъан джеринде, ит тойгъан джеринде.
Рысхысына кёре, джаш ёсер, къышлыгъына кёре, мал ёсер.
Ёнгкюч къууана барыр, джылай келир.
Илму – джашауну джолу.
Чомарт къонакъ юй иесин сыйлар.
Хунаны тюбюн къазсанг, юсюнге ауар.
Юй кюйдю да, кюйюз чыкъды, ортасындан тюйюш чыкъды.
Къыйынлы джети элни къайгъысын этер.
Ариу сёз аурууунгу алыр.
Ётюрюкден тюбю джокъ, кёлтюрюрге джиби джокъ.
Ачыу алгъа келсе, акъыл артха къалады.
Экиндини кеч къылсанг, чабыб джетер ашхам.
Ана кёлю – балада, бала кёлю – талада.
Аманнга да, игиге да оноусуз къатышма.
Ёпкелегенни ашы татлы болады.
Ашхы болсанг, атынг чыгъар, аман болсанг, джанынг чыгъар.
Адам боллукъ, атламындан белгили болур.
Аууз сакълагъан – джан сакълар.
Джылкъыдан – ат чыгъар, тукъумдан – джаш чыгъар.
Джашлыкъ этмеген, башлыкъ этмез.
Татлы тилде – сёз ариу, чемер къолда – иш ариу.
Кирсизни – саны таза, халалны – къаны таза.
Эки ойлашыб, бир сёлешген.
