Билим къая тешер.
Кёзюнде тереги болгъан, чёбю болгъаннга кюле эди.
Джерни букъусу кёкге къонмаз.
Байма, деб да, къууанма, джарлыма, деб да, джылама.
Джангызны оту джарыкъ джанмаз!
Кимни – тили, тиши онглу, кимни – къолу, иши онглу.
Къартны сыйын кёрмеген, къартлыгъында сыйлы болмаз.
Ашхы сёз таш тешер.
Эки итни арасына сюек атма, эки адамны арасында сёз чыгъарма.
Къарнынг ауруса, ауузунгу тый
Эшекге миннген – биринчи айыб, андан джыгъылгъан – экинчи айыб.
Хунаны тюбюн къазсанг, юсюнге ауар.
Айтханы чапыракъдан ётмеген.
Тенги кёбню джау алмаз, акъылы кёбню дау алмаз.
Гырджын – тепсини тамадасы.
Къумурсхала джыйылсала, пилни да джыгъадыла.
Малны кют, джерни тюрт.
Орну джокъну – сыйы джокъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джаным-тиним – окъуу, билим.
Татлы сёз – балдан татлы.
Тынгылагъан тынгы бузар.
Мени джылытмагъан кюн, меннге тиймесин!
Телиге от эт десенг, юйюнге от салыр.
Ач – эснер, ат – кишнер.
Кюлме джашха – келир башха.
Ёлген эшек бёрюден къоркъмайды.
Адамны адамлыгъы къыйынлыкъда айгъакъланады.
Айран тёгюлсе, джугъусу къалыр.
Таш ата билмеген, башына урур.
Къатын байлыкъны сюер, эр саулукъну сюер.
Кёз – сюйген джерде, къол – ауругъан джерде.
Билмейме деген – бир сёз
Аурууну келиую тынч, кетиую – къыйын.
Чабакъ башындан чирийди.
Чакъырылмагъан къонакъ тёрге атламаз.
Биреуню эскиси биреуге джангы болмайды.
Билмегенинги, билгеннге сор.
Ариу сёз – джаннга азыкъ, аман сёз – башха къазыкъ.
Кёлсюзден сёзсюз тууар.
Чакъырылмагъан джерге барма, чакъырылгъан джерден къалма.
Кёрмегеннге кебек – танг, битмегеннге сакъал – танг.
Артына баргъанны, къатына барма.
Аманны къуугъан, аманлыкъ табар.
Акъыллы башны – тили къысха.
Къатын къылыкъсыз, эр тынчлыкъсыз.
Ётюрюкчюню шагъаты – къатында.
Джыланны къуйругъундан басарынг келсе, аны башы болгъанын унутма.
Сангырау къулакъ эл бузар.
Накъырда – кертини келечиси.
