Иги адам абынса да, джангылмаз.
Иги – алгъыш этер, аман – къаргъыш этер.
Иги адамны бир сёзю эки болмаз.
Джангыз терек къынгыр ёсер.
Иги бла джюрюсенг, джетерсе муратынга, аман бла джюрюсенг, къалырса уятха.
Ариу сёз – къылычдан джити.
Эли джокъну – кёлю джокъ.
Дженгил джетерикме деб, узун джолну къоюб, къысхасын барма.
Уллу сёлешме да, уллу къаб.
Хар адамгъа кеси миннген тау кибик.
Иги болса, тамадама – махтау, аман болса, меннге – айыб.
Тамырсыз терекге таянма – джыгъылырса.
Къарнынг бла ёч алма.
Билимден уллу байлыкъ джокъду.
Эркиши – от, тиширыу – суу.
Эл ауузу – элек, анга ийнаннган – халек.
Ариу сёзде ауруу джокъ.
Аууздан келген, къолдан келсе, ким да патчах болур эди.
Къошда джокъгъа – юлюш джокъ.
Къыйынлы джети элни къайгъысын этер.
Къарнынг къанлынга кийирир.
Ана къойну – балагъа джандет.
Къоркъакъны кёзю экили кёрюр.
Чарсда алчыны эл кёреди.
Эрни эр этерик да, къара джер этерик да, тиширыуду.
Къонакъ аз олтурур, кёб сынар.
Къууут – джелге, берне – бошха.
Чабакъсыз кёлге къармакъ салгъанлыкъгъа, чабакъ тутмазса.
Сёз къанатсыз учар.
Къанны къан бла джуума, аманны аман бла къуума.
Тил бла келеди джыр да.
Къралынгы – душмандан, башынгы от бла суудан сакъла.
Кесинге джетмегенни, кёб сёлешме.
Рысхы – насыбха къор.
Тойчу джашха къарама, къойчу джашха къара.
Иги джашны ышаны – аз сёлешиб, кёб тынгылар.
Кёлю джокъну – джолу джокъ.
Джюрек кёзден алгъа кёрюр.
Ёлмесенг да, къарт дамы болмазса?
Тюзню ётмеги тюзде къалса да, тас болмаз.
Ач уят къоймаз.
Ашха уста, юйюнде болсун
Юйюнгден чыкъдынг – кюнюнгден чыкъдынг.
Ёлюк кебинсиз къалмаз.
Юре билмеген ит, къонакъ келтирир.
Адамны бетине къарама, адетине къара.
Хоншуну тауугъу къаз кёрюнюр, келини къыз кёрюнюр.
Ашлыкъ – бюртюкден, джюн – тюкден.
Джыйырма къойну юч джыйырма эбзе кюте эди.
Борчунг бар эсе, хурджунунга ойлаб узал.
