Тенгни тенглиги джашай барсанг билинир.
Юйлю уругъа ит чабмаз.
Татлы сёз – балдан татлы.
Зар адамны насыбы болмаз.
Татлы тилде – сёз ариу, чемер къолда – иш ариу.
Байма, деб да, къууанма, джарлыма, деб да, джылама.
Ач – эснер, ат – кишнер.
Этни бети бла шорпасы.
Игини сыйлагъан адетди.
Эрине къаргъыш этген къатын, эрнин къабар.
Къыйынлы джети элге оноу этер.
Ат басханны джер билед.
Тау башында, тау болмаз, джангыз терек, бау болмаз.
Тойну къарнашы – харс, джырны къарнашы – эжиу.
Ач келгенни – тойдур, кеч келгенни – къондур.
Айраннга суу къош, телиге джол бош.
Мухардан ач ычхынмаз.
Бир абыннган – минг сюрюнюр.
Джумушакъ сёз къаты таякъны сындырыр.
Аджаллыгъа окъсуз шкок атылыр.
Ёнгкюч къууана барыр, джылай келир.
Бал ашаргъа сюе эсенг, чибин ургъаннга тёз.
Ишге юренсин къоллары, халкъ бла болсун джоллары.
Аманнга да, игиге да оноусуз къатышма.
Бир онгсуз адам адет чыгъарды, деб эштирик тюлсе.
Айранын берсенг, челегин да къызгъанма.
Ауругъаннга – кийик саулукъ, джетген къызгъа – чилле джаулукъ.
Чомарт джарлы болмаз.
Къоркъакъны кёзю экили кёрюр.
Уллу атлама – абынырса, уллу къабма – къарылырса.
Ханы къызы буюгъа-буюгъа киштик болду.
Кёб ант этген, кёб ётюрюк айтыр.
Джерни букъусу кёкге къонмаз.
Халкъны джырын джырласанг, халкъ санга эжиу этер.
Сескекли кесин билдирир.
Къайтырыкъ эшигинги, къаты уруб чыкъма.
Элиб деген, элге болушур.
Къайгъыны сюйген, къайгъы табар.
Сангырау къулакъ эл бузар.
Таугъа чыгъаллыкъ эсенг, тюзде къалма.
Бал – татлы, балдан да бала – татлы.
Акъыл аздырмаз, билим тоздурмаз.
Азыгъы аз, алгъа къабар, аты аман, алгъа чабар.
Эм ашхы къайын ана мамукъ бла башынгы тешер.
Башы джабылгъан челекге, кир тюшмез.
Кесинг сынамагъан затны, адамгъа буюрма.
Алтыннга тот къонмаз.
Джукъу тёшек сайламайды.
Джарлы джети элни сёзюн этер.
Аш иеси бла татлыды.
