Ашхы сёз таш тешер.
Ашхы тенг джолгъа салыр, аман тенг джолдан тайдырыр.
Адам сёзге тынгыла, акъыл сёзню ангыла.
Ашхылыкъ джерде джатмайды, аманлыкъ суугъа батмайды.
Арбаз къынгырды да, ийнек сауалмайма.
Аджалсыз ёлюм болмаз.
Джыланны къуйругъундан басарынг келсе, аны башы болгъанын унутма.
Къайгъыны сюйген, къайгъы табар.
Иши джокъну, сыйы джокъ.
Ашыкъгъан cуу, тенгизге джетмез.
Эртде тургъан бла эртде юйленнген сокъуранмаз.
Телиге акъыл салгъандан эсе, ёлгеннге джан салырса.
Кёрмегеннге кебек – танг, битмегеннге сакъал – танг.
Къулакъдан эсе, кёзге ышан.
От кюйдюрген, сау болса да, тот кюйдюрген, сау болмаз.
Иги адамны бир сёзю эки болмаз.
Ышармагъан – кюлмез, кюлмеген – къууанчны билмез.
Бастасын ашагъан, хантусун да ичер.
Уллу суу бла уллу ауруудан башынгы сакъла.
Баш – акъыл ючюн, акъылман – халкъ ючюн.
Адам къыйынлыгъын кёлтюрюр, зауукълугъун кёлтюрмез.
Керти сёзге тёре джокъ.
Бет бетге къараса, бет да джерге къарар.
Тюкюрюк баш джармаз, налат кёз чыгъармаз!
Билеги кючлю, бирни джыгъар, билими кючлю, мингни джыгъар.
Акъылсызны джууукъгъа алма, акъыллыны кенгнге салма.
Сангырау къулакъ эл бузар.
Бек ашыкъгъан меннге джетсин, дегенди аракъы.
Къатын байлыкъны сюер, эр саулукъну сюер.
Уруну арты – къуру.
Бир абыннган – минг сюрюнюр.
Хата – гитчеден.
Биреуню тёрюнден, кесинги эшик артынг игиди.
Эки къатын алгъанны къулагъы тынгнгаймаз.
Келинин тута билмеген, къул этер, къызын тута билмеген, тул этер.
Джыйырма къойну юч джыйырма эбзе кюте эди.
Тил джюрекге джол ишлейди.
Ётюрюкчюню шагъаты – къатында.
Адам къаллай бир ишленмесе, аллай бир кесин уллу кёреди.
Джумушакъ сёз къаты таякъны сындырыр.
Ачыу алгъа келсе, акъыл артха къалады.
Сютден ауузу кюйген, суугъа юфгюре эди.
Тойгъандан сора, ашны сёкме.
Сыфатында болмагъаны, суратында болмаз.
Джангызны оту джарыкъ джанмаз!
Тенгни тенглиги джашай барсанг билинир.
Терслик кетер, тюзлюк джетер.
Къралынгы – душмандан, башынгы от бла суудан сакъла.
Тюз сёз баргъан сууну тыяр.
Джаш къарыу бла кючлю, къарт акъыл бла кючлю.
