Акъдан къара болмаз.
Арбаз сайлама да, хоншу сайла.
Акъыл сабырлыкъ берир.
Атадан ёксюз – бир ёксюз, анадан ёксюз – эки ёксюз.
Тил бла келеди джыр да.
Абынмазлыкъ аякъ джокъ, джангылмазлыкъ джаякъ джокъ.
Эллинг бла джау болсанг да, юйюнг бла джау болма.
Къонагъы джокъну – шоху джокъ.
Кесинге джетмегенни, кёб сёлешме.
Мал тутхан – май джалар.
Билимли ёлмез, билимсиз кёрмез.
Кимни – тили, тиши онглу, кимни – къолу, иши онглу.
Тойгъа барсанг, тоюб бар, эски тонунгу къоюб бар.
Чомартны къолу берекет.
Къарт айтханны этмеген, къартаймаз.
Аман адам этегингден тутса, кес да къач.
Адебсиз адам – джюгенсиз ат.
Элде адам къалмаса, ит тахтагъа минер.
Ауругъанны сау билмез, ач къарынны токъ билмез.
Ашхы болсанг, атынг чыгъар, аман болсанг, джанынг чыгъар.
Гугурук къычырмаса да, тангны атары къалмаз.
Сёз – кюмюш, джыр – алтын.
Эр сокъур болсун, къатын тилсиз болсун.
Къызны минг тилер, бир алыр.
Ёнгкюч къууана барыр, джылай келир.
Соргъан айыб тюлдю, билмеген айыбды.
Айыбны суу бла джууалмазса.
Адам къаллай бир ишленмесе, аллай бир кесин уллу кёреди.
Чакъырылмагъан джерге барма, чакъырылгъан джерден къалма.
Чомарт къолда мал къалмаз.
Халкъны юйю – туугъан джери.
Окъдан джара эртде-кеч болса да бителир, сёз джара, ёмюрге къалыр.
Хата – гитчеден.
Ишни ахырын ойламай, аллын башлама.
Иги сеники эсе да, сюйген кесимикин этеме.
Аджашхан тёгерек айланыр.
Джыланны къуйругъундан басарынг келсе, аны башы болгъанын унутма.
Тойну къарнашы – харс, джырны къарнашы – эжиу.
Тау башында, тау болмаз, джангыз терек, бау болмаз.
Тойгъа алгъа да барма, тойда артха да къалма.
Этни бети бла шорпасы.
Акъылсызны джууукъгъа алма, акъыллыны кенгнге салма.
Ачны эсинде – аш.
Аз айтсам, кёб ангылагъыз.
Тамчы таш тешер.
Къартны бурнун сюрт да, оноугъа тут.
Чабакъгъа акъыл, табагъа тюшсе келеди.
Керек ташны ауурлугъу джокъ.
Иги болса, тамадама – махтау, аман болса, меннге – айыб.
Тюзню ётмеги тюзде къалса да, тас болмаз.
