Къууут – джелге, берне – бошха.
Ишлемеген – тишлемез.
Онгсузну – джакъла, тенгликни – сакъла.
Кеси юйюмде мен да ханма.
Акъыллы айтыр эди, акъылсыз къоймайды.
Ауругъаннга – кийик саулукъ, джетген къызгъа – чилле джаулукъ.
Ач къарынны, токъ билмез
Эл ауузу – элия.
Эртде тургъан джылкъычыны эркек аты тай табар.
Кечеси – аяз, кюню – къыш, джарлы къаргъагъа бир аш тюш!
Джыгъылгъанны сырты джерден тоймаз.
Айырылгъанланы айю ашар, бёлюннгенлени бёрю ашар.
Сыфатында болмагъаны, суратында болмаз.
Ёлген аслан – сау чычхан.
Игини сыйлагъан адетди.
Танг атмайма десе да, кюн къоярыкъ тюйюлдю.
Джолда аягъынга сакъ бол, ушакъда тилинге сакъ бол.
Битмегеннге сакъал – танг.
Джашны джигитлиги сорулур, къызны джигерлиги сорулур.
Бал чибинни ургъаны – ачы, балы – татлы.
Адеб джокъда, намыс джокъ.
Намыс болмагъан джерде, насыб болмаз.
Кёз – сюйген джерде, къол – ауругъан джерде.
Туз, гырджын аша, тюзлюк бла джаша.
Чабакъсыз кёлге къармакъ салгъанлыкъгъа, чабакъ тутмазса.
Булут кёкге джарашыу, уят бетге джарашыу.
Намысы болмагъанны, сыйы болмаз.
Кёзюнде тереги болгъан, чёбю болгъаннга кюле эди.
Адам туугъан джеринде, ит тойгъан джеринде.
Тил – миллетни джаны.
Алтыннга тот къонмаз.
Сангырау къулакъ эл бузар.
Джангызны оту джарыкъ джанмаз!
Уллу къазанда бишген эт, чий къалмаз.
Ушамагъан – джукъмаз.
Элни кючю – эмеген.
Къарнынг тойгъунчу аша да, белинг талгъынчы ишле.
Адеб базарда сатылмаз.
Ашарыкъда сайлагъаннга – чий гырджын.
Кёзню ачылгъаны – иги, ауузну джабылгъаны – иги.
Къыйынлы джети элге оноу этер.
Азыкъ аз болса, эртде орун сал.
Джашлыкъ этмеген, башлыкъ этмез.
Къонагъы джокъну – шоху джокъ.
Киштикге къанат битсе, чыпчыкъ къалмаз эди.
Ата – билек, ана – джюрек!
Ашда уялгъан – мухар, ишде уялгъан – хомух.
Иги болса, тамадама – махтау, аман болса, меннге – айыб.
Айраннга суу къош, телиге джол бош.
Къумурсхала джыйылсала, пилни да джыгъадыла.
