Тюзлюк тас болмайды.
Чабар ат – джетген къыз.
Мал ёлсе, сюек къалыр, адам ёлсе, иши къалыр.
Аякъларынгы джууургъанынга кёре узат.
Узун джолну барсанг, бюгюн келирсе, къысха джолну барсанг, тамбла келирсе.
Акъылсызны джууукъгъа алма, акъыллыны кенгнге салма.
Джырчы джырчыгъа – къарнаш.
Сууда джау джокъ, кёб сёзде магъана джокъ.
Гырджын – тепсини тамадасы.
Эм ашхы къайын ана мамукъ бла башынгы тешер.
Чакъырылмагъан къонакъ – орунсуз.
Кийимни бичсенг, кенг бич, тар этген къыйын тюлдю.
Таш ата билмеген, башына урур.
Ауругъаннга – кийик саулукъ, джетген къызгъа – чилле джаулукъ.
Тойгъандан сора, ашны сёкме.
Джюрекден джюрекге джол барды.
Кёпюр салгъан кеси ётер, уру къазгъан кеси кетер.
Кёзню ачылгъаны – иги, ауузну джабылгъаны – иги.
Ёксюзню тилеги къабыл болур.
Элге къуллукъ этмеген, элге ие болмаз.
Сютден ауузу кюйген, суугъа юфгюре эди.
Иги сёз – джаннга азыкъ, аман сёз башха – къазыкъ.
Къолунгдан къуймакъ ашатсанг да, атаны борчундан къутулмазса.
Тил – кесген бычакъ, сёз – атылгъан окъ.
Гугурук къычырмаса да, тангны атары къалмаз.
Джылыгъа джылан илешир.
Джахил болса анасы, не билликди баласы?
Ишлемеген – тишлемез.
Башда акъыл болмаса, эки аякъгъа кюч джетер.
Къартны сыйын кёрмеген, къартлыгъында сыйлы болмаз.
Бозанг болмагъан джерге, къалагъынгы сукъма.
Тулпарлыкъ, билекден тюл – джюрекден.
Эрине къаргъыш этген къатын, эрнин къабар.
Чакъырылгъанны аты, чакъырылмагъанны багъасы болур.
Ишин билген, аны сыйын чыгъарады.
Бичгенде ашыкъма, тикгенде ашыкъ.
Джогъун бар этген, барын бал этген.
Сёз – кюмюш, джыр – алтын.
Юйюнг бла джау болгъандан эсе, элинг бла джау бол.
Соргъан айыб тюлдю, билмеген айыбды.
Аман адамны тепсинге олтуртсанг, къызынгы тилер.
Айранын берсенг, челегин да къызгъанма.
Аурууну келиую тынч, кетиую – къыйын.
Ачыкъ джюрекге джол – ачыкъ.
Ариу – кёзге, акъыл – джюрекге.
Бети – къучакълар, джюреги – бычакълар.
Аджашханны ызындагъы кёреди, джангылгъанны джанындагъы биледи.
Биреуге аманлыкъ этиб, кесинге игилик табмазса.
Мен да «сен», дейме, сен да «кесим», дейсе.
Къаллай салам берсенг, аллай джууаб алырса.
