Агъач – джерни чырайы, кийим – эрни чырайы.
Адамны сабийин сюйген джюреги, бычакъча, джитиди.
Ауругъан – джашаудан умутчу.
Рысхы – насыбха къор.
Айырылмаз джууугъунга, унутмаз сёзню айтма.
Аш хазыр болса, иш харам болур.
Аман адам этегингден тутса, кес да къач.
Урама да – ёледи, сатама да – келеди.
Халкъны юйю – туугъан джери.
Къуллукъчума, деб махтанма, къуллукъ – хаух джамчыды!
Зар адам ашынгы ашар, кесинги сатар.
Таукел адам тау тешер.
Бозанг болмагъан джерге, къалагъынгы сукъма.
Садакъачыны джаны – къапчыгъында.
Намысы болмагъанны, сыйы болмаз.
Акъдан къара болмаз.
Ариу сёз – джаннга азыкъ, аман сёз – башха къазыкъ.
Аз сёлешген, къайгъысыз турур.
Хар сёзню орну барды.
Джыгъылгъанны сырты джерден тоймаз.
Къыз келсе, джумуш эте келеди, къатын келсе, ушакъ эте келеди.
Ёксюзню къалачы уллу кёрюнюр.
Ариу сёз аурууунгу алыр.
Бети – къучакълар, джюреги – бычакълар.
Джырчы ёлсе, джыры къалыр.
Тели турса – той бузар.
Сакъалы текени да бар, мыйыгъы киштикни да бар.
Суу да къайтады чыкъгъан джерине.
Сагъыш – къартлыкъгъа сюйюмчю.
Ашха уста, юйюнде болсун
Адеб джокъда, намыс джокъ.
Билмегенинги, билгеннге сор.
Бермеген къол, алмайды.
Берекет берсин деген джерде, берекет болур.
Кирсизни – саны таза, халалны – къаны таза.
Кечеси – аяз, кюню – къыш, джарлы къаргъагъа бир аш тюш!
Сабий болмагъан джерде, мёлек болмаз.
Рысхысына кёре, джаш ёсер, къышлыгъына кёре, мал ёсер.
Тешигини къатында, чычхан да батыр болур.
Къонакъ аман болса, къонакъбай джунчур
Сёлеш деб шай берген, тохта деб, сом берген.
Айран ичген – къутулду, джугъусун джалагъан – тутулду.
Бек ашыкъгъан меннге джетсин, дегенди аракъы.
Къарнынг ауруса, ауузунгу тый
Джылыгъа джылан илешир.
Билимден уллу байлыкъ джокъду.
Ётюрюкден тюбю джокъ, кёлтюрюрге джиби джокъ.
Тулпарлыкъ, билекден тюл – джюрекден.
Арбаз сайлама да, хоншу сайла.
Ишленмеген джаш – джюгенсиз ат, ишленмеген къыз – тузсуз хант.
