Джаханимни кёрмей, джандетге кёл салмазса.
Нарт сёз – тилни бети.
Эринчекге кюн узун.
Тойгъа барсанг, тоюб бар, эски тонунгу къоюб бар.
Ётюрюкден тюбю джокъ, кёлтюрюрге джиби джокъ.
Сууда джау джокъ, кёб сёзде магъана джокъ.
Кечеси – аяз, кюню – къыш, джарлы къаргъагъа бир аш тюш!
Кёл – къызбай, къол – батыр.
Сёз садакъдан кючлюдю.
Тойну къарнашы – харс, джырны къарнашы – эжиу.
Тешигини къатында, чычхан да батыр болур.
Сабийни джумушха джибер да, ызындан бар.
Ишге юренсин къоллары, халкъ бла болсун джоллары.
Чомартха хар кюн да байрамды.
Иесиз малны бёрю ашар.
Кесинге джетмегенни, кёб сёлешме.
Шекер бла туз – бир болмаз, ушамагъан – юй болмаз.
Джашынгы кесинг юретмесенг, джашау юретир.
Аш кетер да бет къалыр.
Ишлерге уял да, ашаргъа табма.
Къарт бла баш аша, джаш бла аякъ аша.
Уллу атлама – абынырса, уллу къабма – къарылырса.
Арбаз сайлама да, хоншу сайла.
Тили узунну, намысы – къысха.
Джырына кёре эжиую.
Тёрдеги кюлсе, эшикдеги ышарыр.
Эшекни не къадар тюйсенг да, ат болмаз.
Таукел къуру къалмаз.
Кёкдеги болмаса, джердегин кёрмейди.
Джаш къарыу бла кючлю, къарт акъыл бла кючлю.
Ата – баланы уясы.
Адеби болмагъан къыз – тузсуз хант.
Келинни – келгинчи, бёркню кийгинчи кёр.
Эл ауузу – элия.
Джыгъылгъанны сырты джерден тоймаз.
Тойгъа алгъа да барма, тойда артха да къалма.
Ушамагъан – джукъмаз.
Къызбайны юйюне дери сюрсенг, батыр болур.
Тилчиден кери бол.
Джюрекге ариу – кёзге да ариу.
Бир абыннган – минг сюрюнюр.
Окъдан джара эртде-кеч болса да бителир, сёз джара, ёмюрге къалыр.
Телиге от эт десенг, юйюнге от салыр.
Ата Джуртун танымагъан, атасын да танымаз.
Эртде тургъан джылкъычыны эркек аты тай табар.
Къолу уллу – асыу, аягъы уллу – джарсыу.
Алим болгъандан эсе, адам болгъан къыйынды.
Айтхан – тынч, этген – къыйын.
Этек чакъмакълары баш джаргъан, сёлешген сёзлери таш джаргъан.
Ётюрюк хапар аякъ тюбю бла джюрюйдю.
