Сёз сёзню айтдырыр.
Эркишини аманы тиширыуну джылатыр.
Къарт айтханны этмеген, къартаймаз.
Адеб этмеген, адеб кёрмез.
Юйюнгден чыкъдынг – кюнюнгден чыкъдынг.
Атлыны ашхысы, ат тизгининден билинир
Айранын берсенг, челегин да къызгъанма.
Иги адам абынса да, джангылмаз.
Ышармагъан – кюлмез, кюлмеген – къууанчны билмез.
Ач къалгъандан, кеч къалгъан къолай.
Мал кёб болса, джууукъ кёб болур.
Къатын байлыкъны сюер, эр саулукъну сюер.
Аманнга алтын чыдамаз.
Ашын ашагъанынгы, башын да сыйла.
Джангыз терек къынгыр ёсер.
Къызгъанчдан ычхыныр, мухардан ычхынмаз.
Чыбыкълыкъда бюгюлмеген, къазыкълыкъда бюгюлмей эди.
Бек анасы джыламаз.
Акъыллы башны – тили къысха.
Джаз бир кюнню джатсанг, къыш талай кюнню абынырса.
Таш ата билмеген, башына урур.
Тели турса – той бузар.
Ариу сёз – къылычдан джити.
Ата Джуртуму башы болмасам да, босагъасында ташы болайым.
Тилчи бир сагъатха айлыкъ хата этер.
Къыз келсе, джумуш эте келеди, къатын келсе, ушакъ эте келеди.
Арпа, будай – ащды, алтын, кюмюш а – ташды.
Аллахдан тилесенг, кёб тиле.
Ач къарным, тынч къулагъым.
Чомарт къолда мал къалмаз.
Эм ашхы къайын ана мамукъ бла башынгы тешер.
Бек ашыкъгъан меннге джетсин, дегенди аракъы.
Эркишиге тары кебек танг кёрюнюр.
Къайгъыны сюйген, къайгъы табар.
Юйлю уругъа ит чабмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Бал ашаргъа сюе эсенг, чибин ургъаннга тёз.
Чомарт къонакъ юй иесин сыйлар.
Тюз сёз баргъан сууну тыяр.
Чомарт джарлы болмаз.
Ётюрюк хапар аякъ тюбю бла джюрюйдю.
Ашхы – джыяр, аман – джояр.
Хоншуну тауугъу къаз кёрюнюр, келини къыз кёрюнюр.
Джашлыкъ этмеген, башлыкъ этмез.
Айран тёгюлсе, джугъусу къалыр.
Кимни – тили, тиши онглу, кимни – къолу, иши онглу.
Аманнга да, игиге да оноусуз къатышма.
Билим ат болуб да чабар, къуш болуб да учар.
Тёрени джагъы джокъ.
Ауузу бла къуш тута айланады.
