Ауругъан – джашаудан умутчу.
Сабийликде юретмесенг, уллу болса – тюзелмез.
Кёл – къызбай, къол – батыр.
Джаш къарыу бла кючлю, къарт акъыл бла кючлю.
Нарт сёз къарт болмаз.
Сагъыш – къартлыкъгъа сюйюмчю.
Намыс болмагъан джерде, насыб болмаз.
Чомартха Тейри да борчлуду.
Босагъа таш юйге кирмей эди, тыбыр таш эшикге чыкъмай эди.
Чабар ат – джетген къыз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Чабакъ башындан чирийди.
Aдам боллукъ, сыфатындан белгили.
Ёзденликни кёбю ётюрюк.
Къайтырыкъ эшигинги, къаты уруб чыкъма.
Ариу сёз – къылычдан джити.
Тик ёргени, тик энгишгеси да болады.
Къарыусузгъа кюлме, онгсузгъа тийме.
Намысы джокъну – дуниясы джокъ.
Аякъларынгы джууургъанынга кёре узат.
Уллу къашыкъ эрин джыртар.
Къызгъанчдан ычхыныр, мухардан ычхынмаз.
Ач отунчуну ачыуу – бурнунда.
Бир абыннган – минг сюрюнюр.
Чакъырылмагъан къонакъ къачан кетерин сормаз.
Эрине къаргъыш этген къатын, эрнин къабар.
Биреу къой излей, биреу той излей.
Сёлеш деб шай берген, тохта деб, сом берген.
Ариу сёз – джаннга азыкъ, аман сёз – башха къазыкъ.
Джашда акъыл джокъ, къартда къарыу джокъ.
Адам сёзге тынгыла, акъыл сёзню ангыла.
Тенгни тенглиги джашай барсанг билинир.
Бети бедерден, намыс сакълама.
Чёбню кёлтюрсенг, тюбюнден сёз чыгъар.
Тели турса – той бузар.
Игилик игилик бла сингдирилиучю затды.
Зарда марда джокъ.
Адебни адебсизден юрен.
Бозанг болмагъан джерге, къалагъынгы сукъма.
Къартны сыйын кёрмеген, къартлыгъында сыйлы болмаз.
Хунаны тюбюн къазсанг, юсюнге ауар.
Абынмазлыкъ аякъ джокъ, джангылмазлыкъ джаякъ джокъ.
Бир онгсуз адам адет чыгъарды, деб эштирик тюлсе.
Эм ашхы къайын ана мамукъ бла башынгы тешер.
Аууз сакълагъан – джан сакълар.
Джети тилни билген джети кишиди.
Кёзню ачылгъаны – иги, ауузну джабылгъаны – иги.
Ётюрюкню башын керти кесер.
Эски джаугъа ышанма.
Кесине гебен этелмеген, биреуге черен эте эди.
