Ашда уялгъан – мухар, ишде уялгъан – хомух.
Халкъгъа джарагъан, джарлы къалмаз.
Атадан ёксюз – бир ёксюз, анадан ёксюз – эки ёксюз.
Аджалсыз ёлюм болмаз.
Сютню башын джалагъан къутулур, тюбюн ичген тутулур.
Aдам боллукъ, сыфатындан белгили.
Окъдан джара эртде-кеч болса да бителир, сёз джара, ёмюрге къалыр.
Джол бла сёзню къыйыры джокъ.
Эри аманны, къатыны – аман.
Сабийликде юретмесенг, уллу болса – тюзелмез.
Ишлегенден, къарагъан уста.
Ана къолу ачытмаз.
Билген билмегенни юретген адетди.
Тау башында, тау болмаз, джангыз терек, бау болмаз.
Тешигини къатында, чычхан да батыр болур.
Кесинге джетмегенни, кёб сёлешме.
Адам сёзге тынгыла, акъыл сёзню ангыла.
Аджаллыгъа окъсуз шкок атылыр.
Ауругъаннга – кийик саулукъ, джетген къызгъа – чилле джаулукъ.
Алим болгъандан эсе, адам болгъан къыйынды.
Орундукъ тюбюнде атылсам да, орта джиликме, де да айлан.
Къайтырыкъ эшигинги, къаты уруб чыкъма.
Артына баргъанны, къатына барма.
Джырчы джырчыгъа – къарнаш.
Джаз бир кюнню джатсанг, къыш талай кюнню абынырса.
Тойгъан джерге джети къайт.
Онгсузну – джакъла, тенгликни – сакъла.
Ата джурт – алтын бешик.
Ханнга да келеди хариблик.
Хатерли къул болур.
Юй кюйдю да, кюйюз чыкъды, ортасындан тюйюш чыкъды.
Сёлеш деб шай берген, тохта деб, сом берген.
Узун джолну барсанг, бюгюн келирсе, къысха джолну барсанг, тамбла келирсе.
Ана къойну – балагъа джандет.
Тиширыусуз юй – отсуз от джагъа.
Насыб бютеу халкъны юлюшюдю.
Акъыллы айтыр эди, акъылсыз къоймайды.
Келлик заман – къартлыкъ келтирир, кетген заман – джашлыкъ ёлтюрюр.
Кёл – къызбай, къол – батыр.
Бермеген къол, алмайды.
Хар ишни да аллы къыйынды.
Тёгюлген тюгел джыйылмайды.
Къарт болгъан джерде, берекет болур, сабий болгъан джерде, оюн болур.
Адамны аты башхача, акъылы да башхады.
Башынга джетмегенни сорма.
Ашхы – джыяр, аман – джояр.
Уллу сёлешме да, уллу къаб.
Ётюрюкню башын керти кесер.
Бети бедерден, намыс сакълама.
Ёлген аслан – сау чычхан.
