Ашха уста, юйюнде болсун
Ёлген эшек бёрюден къоркъмайды.
Аджашханны ызындагъы кёреди, джангылгъанны джанындагъы биледи.
Эл ауузу – элек, анга ийнаннган – халек.
Тенги кёбню джау алмаз, акъылы кёбню дау алмаз.
Тойгъан антын унутур.
Байлыкъ тауусулур, билим тауусулмаз.
Бек ашыкъгъан меннге джетсин, дегенди аракъы.
Тин – байлыгъынг, терен саулугъунг.
Къошда джокъгъа – юлюш джокъ.
Аджалсыз ёлюм болмаз.
Танг атмайма десе да, кюн къоярыкъ тюйюлдю.
Абынмазлыкъ аякъ джокъ, джангылмазлыкъ джаякъ джокъ.
Билим къая тешер.
Алтыннга тот къонмаз.
Къыз чыгъаргъан – къызыл къымжа.
Къызгъанчдан ычхыныр, мухардан ычхынмаз.
Къатын къылыкъсыз, эр тынчлыкъсыз.
Ана къойну – балагъа джандет.
Тамчы таш тешер.
Тёрде – темир таякълы, къаяда – чыпчыкъ аякълы.
Акъыллы эркиши атын махтар, акъылсыз эркиши къатынын махтар.
Ёнгкюч къууана барыр, джылай келир.
Кёкдеги болмаса, джердегин кёрмейди.
Олтуруб кёрюнмей эди да, ёрге туруб кёрюне эди.
Къазанны башы ачыкъ болса, итге уят керекди.
Окъугъанны бети джарыкъ.
Ауругъанны сау билмез, ач къарынны токъ билмез.
Къар – келтирди, суу – элтди.
Юреннген ауруу къалмаз.
Къуру гыбыт бек дыгъырдар.
Рысхы джалгъанды: келген да этер, кетген да этер.
Тай асырагъан, атха минер.
Татлы сёз – балдан татлы.
Уясында не кёрсе, учханында аны этер.
Накъырда – кертини келечиси.
Сабийликде юретмесенг, уллу болса – тюзелмез.
Ач къарынны, токъ билмез
Чакъырылмай келген къонакъ сыйланмай кетер.
Джырчы ёлсе, джыры къалыр.
Биреуге аманлыкъны тилеме да, кесинге ашхылыкъны тиле.
Иги – алгъыш этер, аман – къаргъыш этер.
Тюкюрюк баш джармаз, налат кёз чыгъармаз!
Къулакъдан эсе, кёзге ышан.
Ауругъан – джашаудан умутчу.
Ариу сёз – джаннга азыкъ, аман сёз – башха къазыкъ.
Кюн – узун, ёмюр – къысха.
Кеси юйюмде мен да ханма.
Нарт сёз – тилни бети.
Алтыда кюлмеген, алтмышда кюлмез.
