Джылыгъа джылан илешир.
Ишленмеклик адамлыкъды.
Биреуню тёрюнден, кесинги эшик артынг игиди.
Эшекни не къадар тюйсенг да, ат болмаз.
Джыгъылгъанны сырты джерден тоймаз.
Иги джашны ышаны – аз сёлешиб, кёб тынгылар.
Джаш къарыу бла кючлю, къарт акъыл бла кючлю.
Къазанчы аман болса, къазаны къайнамаз.
Адамгъа аман кюн соруб келмейди.
Аджаллыгъа окъсуз шкок атылыр.
Терек ауса, отунчу – кёб.
Ашхы сёз таш тешер.
Ёгюзню мюйюзюнден тутадыла, адамны сёзюнден тутадыла.
Аджалсыз ёлюм болмаз.
Чомартны къолу берекет.
Къыйынлы джети элни къайгъысын этер.
Къарнынг бла ёч алма.
Джарлыны тону джаз битер.
Адеби болмагъан къыз – тузсуз хант.
Эл ауузу – элек, анга ийнаннган – халек.
Асхат ашлыкъ сата, юйдегиси ачдан къата.
Ашхы болсанг, атынг чыгъар, аман болсанг, джанынг чыгъар.
Сагъышы джокъ – джукъучу, акъылы джокъ – къаугъачы.
Агъач – джерни чырайы, кийим – эрни чырайы.
Мухар, кеси тойса да, кёзю тоймаз.
Игиге айтсанг – билир, аманнга айтсанг – кюлюр.
Дуния мал дунияда къалады.
Ёлмесенг да, къарт дамы болмазса?
Экеу тутушса, биреу джыгъылыр.
Бал чибинни ургъаны – ачы, балы – татлы.
Киштикге къанат битсе, чыпчыкъ къалмаз эди.
Арбаз къынгырды да, ийнек сауалмайма.
Тилсиз миллет джокъ болур.
Телиге акъыл салгъандан эсе, ёлгеннге джан салырса.
Тынгылагъан тынгы бузар.
Ашхы атаны – джашы ашхы, ашхы ананы – къызы ашхы.
Аджашхан тёгерек айланыр.
Чакъырылмагъан къонакъ тёрге атламаз.
Телини эшигин, махтау джабар.
Арпа, будай – ащды, алтын, кюмюш а – ташды.
Билим – акъылны чырагъы.
Нёгерсизни джолу узун.
Джюрекден джюрекге джол барды.
Джахил болса анасы, не билликди баласы?
Аллахха ийнаннган кишини, Аллах онгдурур ишин.
Гитче джилтин уллу элни джандырыр.
Акъдан къара болмаз.
Эркишини аманы тиширыуну джылатыр.
Тойгъан джерден туугъан джер игиди.
Суугъа – чабакъ, къаягъа – ыргъакъ.
