Тюзлюк тас болмайды.
Кийимни бичсенг, кенг бич, тар этген къыйын тюлдю.
Тили узунну, намысы – къысха.
Къонакъ аз олтурур, кёб сынар.
Накъырданы арты керти болур.
Тау башында, тау болмаз, джангыз терек, бау болмаз.
Ата джурт – алтын бешик.
Джыйырма къойну юч джыйырма эбзе кюте эди.
Иги – алгъыш этер, аман – къаргъыш этер.
Алма терегинден кери кетмез.
Таукел тауну аудурур.
Къайтырыкъ эшигинги, къаты уруб чыкъма.
Чакъырылмагъан къонакъ тёрге атламаз.
Кюн – узун, ёмюр – къысха.
Джуртун къоругъан озар.
Этни бети бла шорпасы.
Къуллукъчума, деб махтанма, къуллукъ – хаух джамчыды!
Дууулдаса – бал чибин, къонса – къара чибин.
Къулакъдан эсе, кёзге ышан.
Кёзню ачылгъаны – иги, ауузну джабылгъаны – иги.
Джюз элде джюз ёгюзюм болгъандан эсе, джюз джууугъум болсун.
Адамны артындан къара сабан сюрме.
Уллу атлама – абынырса, уллу къабма – къарылырса.
Билеги кючлю, бирни джыгъар, билими кючлю, мингни джыгъар.
Бал – татлы, балдан да бала – татлы.
Къралынгы – душмандан, башынгы от бла суудан сакъла.
Тулпарлыкъ, билекден тюл – джюрекден.
Таугъа чыгъаллыкъ эсенг, тюзде къалма.
Ишин билген, аны сыйын чыгъарады.
Нёгерсизни джолу узун.
Шекер бла туз – бир болмаз, ушамагъан – юй болмаз.
Босагъагъа джууукъ орун болса, ашыгъыб тёрге озма.
Къумурсхала джыйылсала, пилни да джыгъадыла.
Тойгъан антын унутур.
Байны къызы баймакъ болса да, юйде къалмаз!
Кюлме джашха – келир башха.
Къошда джокъгъа – юлюш джокъ.
Ётюрюкден тюбю джокъ, кёлтюрюрге джиби джокъ.
Биреуге кёлтюрген таягъынг, кесинги башынга урур.
Башы ишлегенни, ауузу да ишлер.
Кёбден умут этиб, аздан къуру къалма.
Юре билмеген ит, къонакъ келтирир.
Джигер – джаннга къыйынлыкъ.
Ашарыкъда сайлагъаннга – чий гырджын.
Абынмазлыкъ аякъ джокъ, джангылмазлыкъ джаякъ джокъ.
Джаш къарыу бла кючлю, къарт акъыл бла кючлю.
Тёгюлген тюгел джыйылмайды.
Къоркъакъны кёзю экили кёрюр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Аз айтсам, кёб ангылагъыз.
