Башы ишлегенни, ауузу да ишлер.
Арыгъан къош чамчы болур.
Бети – къучакълар, джюреги – бычакълар.
Ашаса, ашамаса да, бёрюню ауузу – къан.
Садакъачыны джаны – къапчыгъында.
Аманны эки битли тону болур, бирин сеннге кийдирир, бирин кеси киер.
Хата – гитчеден.
Тёзгеннге, джабылгъан эшик ачылыр.
Татлы тилде – сёз ариу, чемер къолда – иш ариу.
Таукел адам тау тешер.
Къобан да къуру да къобханлай турмайды, адам да къуру да патчахлай турмайды.
Мал ёлсе, сюек къалыр, адам ёлсе, иши къалыр.
Джюз элде джюз ёгюзюм болгъандан эсе, джюз джууугъум болсун.
Къазанчы аман болса, къазаны къайнамаз.
Тынгылагъан тынгы бузар.
Джолда аягъынга сакъ бол, ушакъда тилинге сакъ бол.
Къыз тиширыу кеси юйюнде да къонакъды.
Битмегеннге сакъал – танг.
Намысы джокъну – дуниясы джокъ.
Аманнга алтын чыдамаз.
Ёлген эшек бёрюден къоркъмайды.
Ёлюк кебинсиз къалмаз.
Чомарт къолда мал къалмаз.
Суу кетер, таш къалыр.
Аджалсыз ёлюм болмаз.
Зар адамны насыбы болмаз.
Айтхан – тынч, этген – къыйын.
Кеси юйюмде мен да ханма.
Джерни букъусу кёкге къонмаз.
Билим ат болуб да чабар, къуш болуб да учар.
Эринчекни эр алмаз, эр алса да, кёл салмаз, кёл салса да, кёб бармаз!
Билим къая тешер.
Сагъышы джокъ – джукъучу, акъылы джокъ – къаугъачы.
Намыс сатылыб алынмайды.
Тик ёргени, тик энгишгеси да болады.
Джаз бир кюнню джатсанг, къыш талай кюнню абынырса.
Ач да бол, токъ да бол – намысынга бек бол.
Аякъларынгы джууургъанынга кёре узат.
Алтыда кюлмеген, алтмышда кюлмез.
Джауумдан сора, кюн кюйдюрюр, ётюрюкден сора, айыб кюйдюрюр.
Таякъ этден ётер, тил сюекден ётер.
Къайтырыкъ эшигинги, къаты уруб чыкъма.
Иги сеники эсе да, сюйген кесимикин этеме.
Ариу сёз – къылычдан джити.
Айтылгъан сёз ызына къайтмаз.
Суугъа – чабакъ, къаягъа – ыргъакъ.
Ауузу аманнга «иги», деме.
Тойгъан джерге джети къайт.
Эрни эр этерик да, къара джер этерик да, тиширыуду.
Бал чибинни ургъаны – ачы, балы – татлы.
