Махтаннган къыз, тойда джукълар.
Ашхылыкъ джерде джатмайды, аманлыкъ суугъа батмайды.
Аманны къуугъан, аманлыкъ табар.
Аз сёлешген, къайгъысыз турур.
Кюн – узун, ёмюр – къысха.
Аджаллыгъа окъсуз шкок атылыр.
Къонакъ аман болса, къонакъбай джунчур
Кёзюнде тереги болгъан, чёбю болгъаннга кюле эди.
Насыб бютеу халкъны юлюшюдю.
Айтханы чапыракъдан ётмеген.
Ашын ашагъанынгы, башын да сыйла.
Къолунгдан къуймакъ ашатсанг да, атаны борчундан къутулмазса.
Алтыда кюлмеген, алтмышда кюлмез.
Биреуге аманлыкъ этиб, кесинге игилик табмазса.
Ашда уялгъан – мухар, ишде уялгъан – хомух.
Джан саулукъ бермей, сан саулукъ бермезсе.
Акъыллы айтыр эди, акъылсыз къоймайды.
Акъыл къартда, джашда тюйюлдю – башдады.
Джиби бир къат джетмей эди да, эки къат тарта эди.
Таш ата билмеген, башына урур.
Къатыны харакетли болса, эри къымсыз болур.
Бек анасы джыламаз.
Абынмазлыкъ аякъ джокъ, джангылмазлыкъ джаякъ джокъ.
Тас болгъан бычакъны сабы – алтын.
Къозулугъунда тоймагъан, къойлугъунда тоймаз.
Ётген ёмюр – акъгъан суу.
Сабийликде юретмесенг, уллу болса – тюзелмез.
Иги адам абынса да, джангылмаз.
Тёгюлген тюгел джыйылмайды.
Джаш къарыу бла кючлю, къарт акъыл бла кючлю.
Къазанчы аман болса, къазаны къайнамаз.
Ёпкелегенни ашы татлы болады.
Намыс болмагъан джерде, насыб болмаз.
Адеб джокъда, намыс джокъ.
Дуния мал дунияда къалады.
Дууулдаса – бал чибин, къонса – къара чибин.
Ётюрюк хапар аякъ тюбю бла джюрюйдю.
Чомарт къонакъ юй иесин сыйлар.
Хар сёзню орну барды.
Зар адамны насыбы болмаз.
Сакъ юйюне сау барыр.
Аякъларынгы джууургъанынга кёре узат.
Чыбыкълыкъда бюгюлмеген, къазыкълыкъда бюгюлмей эди.
Ач, тоймам, дейди, тойгъан, ач болмам, дейди.
Бети къызарыучу адамны, джюреги харам болмаз.
Сормай – алма, чакъырылмай – барма.
Тил бла келеди джыр да.
Бек ашыкъгъан меннге джетсин, дегенди аракъы.
Туз, гырджын аша, тюзлюк бла джаша.
Джукъу тёшек сайламайды.
