Киштикге къанат битсе, чыпчыкъ къалмаз эди.
Къатын байлыкъны сюер, эр саулукъну сюер.
Тойгъа барсанг, тоюб бар, эски тонунгу къоюб бар.
Джыланны къуйругъундан басарынг келсе, аны башы болгъанын унутма.
Ач келгенни – тойдур, кеч келгенни – къондур.
Акъыллы башны – тили къысха.
Ашыкъгъан cуу, тенгизге джетмез.
Байны къызы баймакъ болса да, юйде къалмаз!
Экиндини кеч къылсанг, чабыб джетер ашхам.
Ач къарынны, токъ билмез
Агъач – джерни чырайы, кийим – эрни чырайы.
Кёрмегеннге кебек – танг, битмегеннге сакъал – танг.
Тешик этген тынчды, аны джамагъан къыйынды.
Татлы тилде – сёз ариу, чемер къолда – иш ариу.
Тойгъанлыкъ къойгъа джарашады.
Эки ойлашыб, бир сёлешген.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джангыз торгъай джырламаз.
Иши джокъну, сыйы джокъ.
Биреу къой излей, биреу той излей.
Таш бла ургъанны, аш бла ур.
«Ма», - дегенни билмесенг, «бер», - дегенни билмезсе.
Сабий кёргенин унутмаз.
Сабыр джетер муратха, сабырсыз къалыр уятха.
Джеринден айырылгъан – джети джылар, джуртундан айырылгъан – ёлгюнчю джылар.
Сакъалы текени да бар, мыйыгъы киштикни да бар.
Берекет берсин деген джерде, берекет болур.
Тойгъа алгъа да барма, тойда артха да къалма.
Эм ашхы къайын ана мамукъ бла башынгы тешер.
Джырчы ёлсе, джыры къалыр.
Босагъа таш юйге кирмей эди, тыбыр таш эшикге чыкъмай эди.
Джырчы джырчыгъа – къарнаш.
Эринчекни аурууу – кёб.
Чарсда алчыны эл кёреди.
Акъыл аздырмаз, билим тоздурмаз.
Тёрени джагъы джокъ.
Кёб ант этген, кёб ётюрюк айтыр.
Туз, гырджын аша, тюзлюк бла джаша.
Ач уят къоймаз.
Билмейме деген – бир сёз
Башы ишлегенни, ауузу да ишлер.
Адеб этмеген, адеб кёрмез.
Окъугъанны бети джарыкъ.
Бир абыннган – минг сюрюнюр.
Атлыны кёрсе, джаяуну буту талыр.
Суугъа – таянма, джаугъа – ийнанма.
Ойнай билмеген, уруб къачар.
Эркишини аманы тиширыуну джылатыр.
Къартха ушагъан джаш – акъыллы, джашха ушагъан къарт – тели.
Келгинчи, къонакъ уялыр, келгенден сора, къонакъбай уялыр.
