Билим ат болуб да чабар, къуш болуб да учар.
Башсыз урчукъ тюзюне айланмаз.
Кюл тюбюндеги от кёрюнмейди.
Намысы болмагъанны, сыйы болмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Уллу къазанда бишген эт, чий къалмаз.
Уясында не кёрсе, учханында аны этер.
Аллахдан тилесенг, кёб тиле.
Ёмюрлюк шохлукъну джел элтмез.
Дуния аламаты сен эсенг да, игиме деб айтма.
Этни бети бла шорпасы.
Къулакъдан эсе, кёзге ышан.
Тойгъан джерден туугъан джер игиди.
Ышармагъан – кюлмез, кюлмеген – къууанчны билмез.
Суу да къайтады чыкъгъан джерине.
Аш хазыр болса, иш харам болур.
Башланнган иш битер, къымылдагъан тиш тюшер.
Кёл ашады да, кеси ашады.
Хар зат кесини орнуна иги.
Билими азны – ауузунда кирит.
Джиби бир къат джетмей эди да, эки къат тарта эди.
Ётюрюк хапар аякъ тюбю бла джюрюйдю.
Башда акъыл болмаса, эки аякъгъа кюч джетер.
Билгенни къолу къарны джандырыр.
Билим къая тешер.
Къонакъны къачан кетерин сорма, къачан келлигин сор.
Чабакъсыз кёлге къармакъ салгъанлыкъгъа, чабакъ тутмазса.
Эки итни арасына сюек атма, эки адамны арасында сёз чыгъарма.
Арба аугъандан сора, джол кёргюзтюучю кёб болур.
Байдан умут эте, джарлыдан ёгюз багъасы къорады.
Ач келгенни – тойдур, кеч келгенни – къондур.
Чомартха хар кюн да байрамды.
Ана кёлю – балада, бала кёлю – талада.
Эшекни не къадар тюйсенг да, ат болмаз.
Кирсизни – саны таза, халалны – къаны таза.
Хар сёзню орну барды.
Таугъа чыгъаллыкъ эсенг, тюзде къалма.
Къыз чыгъаргъан – къызыл къымжа.
Махтаннган къыз, тойда джукълар.
Айтхан – тынч, этген – къыйын.
Кийимни бичсенг, кенг бич, тар этген къыйын тюлдю.
Эл тойса, тоймагъан, эл къойса, къоймагъан.
Иши джокъну, сыйы джокъ.
Адеби болмагъан къыз – тузсуз хант.
Игилик игилик бла сингдирилиучю затды.
Алтыннга тот къонмаз.
Суу ичген шауданынга тюкюрме.
Сютню башын джалагъан къутулур, тюбюн ичген тутулур.
Таш бла ургъанны, аш бла ур.
Туз, гырджын аша, тюзлюк бла джаша.
