Харам къарнашдан, халал тенг ашхы.
Ашарыкъда сайлагъаннга – чий гырджын.
Аманнга игилик этсенг, юйюнге сау бармазса.
Биреуню тёрюнден, кесинги эшик артынг игиди.
Тойгъа барсанг, тоюб бар, эски тонунгу къоюб бар.
Эм ашхы къайын ана мамукъ бла башынгы тешер.
Окъуусуз билим – джокъ, билимсиз кюнюнг – джокъ.
Къумурсхала джыйылсала, пилни да джыгъадыла.
Башсыз урчукъ тюзюне айланмаз.
Къарт бла баш аша, джаш бла аякъ аша.
Тойгъанлыкъ къойгъа джарашады.
Термилгенинги табмазса, кюлгенинге тюберсе.
Элни кючю – эмеген.
Къулакъдан эсе, кёзге ышан.
Уллу айтханны этмеген – уллаймаз.
Къонагъынгы артмагъын алма да, алгъышын ал.
Къоркъакъны кёзю экили кёрюр.
Адамны артындан къара сабан сюрме.
Душманны тышы – акъ, ичи – къара.
Кёбге таш атма.
Таукелге нюр джауар.
Сыфатында болмагъаны, суратында болмаз.
Эллинг бла джау болсанг да, юйюнг бла джау болма.
Уруну арты – къуру.
Джаз бир кюнню джатсанг, къыш талай кюнню абынырса.
Ётюрюкчюню шагъаты – къатында.
Чёбню кёлтюрсенг, тюбюнден сёз чыгъар.
Ишин билген, аны сыйын чыгъарады.
Сёз садакъдан кючлюдю.
Ашлыкъ – бюртюкден, джюн – тюкден.
Ата Джуртуму башы болмасам да, босагъасында ташы болайым.
Ойнай билмеген, уруб къачар.
Тёрдеги кюлсе, эшикдеги ышарыр.
Ышармагъан – кюлмез, кюлмеген – къууанчны билмез.
Тилчиден кери бол.
Джарлыны эшигин махтагъан джабар.
Джашынгы кесинг юретмесенг, джашау юретир.
Иги бла джюрюсенг, джетерсе муратынга, аман бла джюрюсенг, къалырса уятха.
Айырылгъанланы айю ашар, бёлюннгенлени бёрю ашар.
Ашыкъгъан cуу, тенгизге джетмез.
Халкъны джырын джырласанг, халкъ санга эжиу этер.
Бет бетге къараса, бет да джерге къарар.
Кюлме джашха – келир башха.
Хансыз джомакъ болмаз.
Тенги кёбню джау алмаз, акъылы кёбню дау алмаз.
Ариу сёз – къылычдан джити.
Аллахдан тилесенг, кёб тиле.
Къууут – джелге, берне – бошха.
Тойгъан джерге джети къайт.
Эшекге миннген – биринчи айыб, андан джыгъылгъан – экинчи айыб.
