Адеб этмеген, адеб кёрмез.
Мал тутхан – май джалар.
Тамчы таш тешер.
Эм ашхы къайын ана мамукъ бла башынгы тешер.
Келинин тута билмеген, къул этер, къызын тута билмеген, тул этер.
Суу да къайтады чыкъгъан джерине.
Эл бла кёргенинг эрелей.
Ётюрюкню къуйругъу – бир тутум.
Къыз чыгъаргъан – къызыл къымжа.
Акъыллы айтыр эди, акъылсыз къоймайды.
Сёз сёзню айтдырыр.
Юйлю уругъа ит чабмаз.
Ашыкъгъанны этеги бутуна чырмалыр.
Кимни – тили, тиши онглу, кимни – къолу, иши онглу.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ёлмесенг да, къарт дамы болмазса?
Чалманны аллы къалай башланса, арты да алай барады.
Шайтан алдады, тюзлюк къаргъады.
Насыблы элин сюер, насыбсыз кесин сюер.
Билеги кючлю, бирни джыгъар, билими кючлю, мингни джыгъар.
Окъугъанны бети джарыкъ.
Эри аманны, къатыны – аман.
Сабий болмагъан джерде, мёлек болмаз.
Бал – татлы, балдан да бала – татлы.
Айырылгъанланы айю ашар, бёлюннгенлени бёрю ашар.
Чакъырылмагъан къонакъ тёрге атламаз.
Хатерли къул болур.
Айранын берсенг, челегин да къызгъанма.
Чомартха хар кюн да байрамды.
Окъуу – билимни ачхычы, окъуу – дунияны бачхычы.
Аз айтсам, кёб ангылагъыз.
Къар – келтирди, суу – элтди.
Чабар ат – джетген къыз.
Къуру гыбыт бек дыгъырдар.
Ата джурт – алтын бешик.
Накъырда – кертини келечиси.
Джюрекге ариу – кёзге да ариу.
Этим кетсе да, сюегим къалыр.
Сютден ауузу кюйген, суугъа юфгюре эди.
Келгинчи, къонакъ уялыр, келгенден сора, къонакъбай уялыр.
Ёксюзню къалачы уллу кёрюнюр.
Айтылгъан сёз ызына къайтмаз.
Эртде тургъан бла эртде юйленнген сокъуранмаз.
Игини сыйлагъан адетди.
Джолда аягъынга сакъ бол, ушакъда тилинге сакъ бол.
Аманны къуугъан, аманлыкъ табар.
Ашха уста, юйюнде болсун
Махтаннган къыз, тойда джукълар.
Бозанг болмагъан джерге, къалагъынгы сукъма.
Акъыл къартда, джашда тюйюлдю – башдады.
