Хоншуну тауугъу къаз кёрюнюр, келини къыз кёрюнюр.
Айтхан сёзюне табылгъан.
Ач къарынны, токъ билмез
Тилде сюек болмаса да, сюек сындырыр.
Бек анасы джыламаз.
Джюз элде джюз ёгюзюм болгъандан эсе, джюз джууугъум болсун.
Ауругъан – джашаудан умутчу.
Чалманны аллы къалай башланса, арты да алай барады.
Игиге айтсанг – билир, аманнга айтсанг – кюлюр.
Ашыкъгъан cуу, тенгизге джетмез.
Азыкъ аз болса, эртде орун сал.
Бозанг болмагъан джерге, къалагъынгы сукъма.
Босагъа таш юйге кирмей эди, тыбыр таш эшикге чыкъмай эди.
Алгъанда – джууукъ, бергенде – джау.
Алтыннга тот къонмаз.
Арбаз сайлама да, хоншу сайла.
Билим къая тешер.
Огъурлуну сёзю – суу, огъурсузну сёзю – уу.
Кесинг сынамагъан затны, адамгъа буюрма.
Илму – джашауну джолу.
Душманны тышы – акъ, ичи – къара.
Мал ёлсе, сюек къалыр, адам ёлсе, иши къалыр.
Таш ата билмеген, башына урур.
Садакъачыны джаны – къапчыгъында.
Арба аугъандан сора, джол кёргюзтюучю кёб болур.
Элге къуллукъ этмеген, элге ие болмаз.
Биреуню къыйынлыгъы бла кесинге джол ишлеме.
Джырчы джырчыгъа – къарнаш.
Мен да «сен», дейме, сен да «кесим», дейсе.
Аджаллыгъа окъсуз шкок атылыр.
Ашын ашагъанынгы, башын да сыйла.
Таякъ этден ётер, тил сюекден ётер.
Къонакъны къачан кетерин сорма, къачан келлигин сор.
Тура эдим джата, къайдан чыкъды хата?
Накъырда – кертини келечиси.
Къонакъ аз олтурур, кёб сынар.
Айран тёгюлсе, джугъусу къалыр.
Эшекни не къадар тюйсенг да, ат болмаз.
Керек ташны ауурлугъу джокъ.
Адам къаллай бир ишленмесе, аллай бир кесин уллу кёреди.
Аманны къуугъан, аманлыкъ табар.
Кёрмегеннге кебек – танг, битмегеннге сакъал – танг.
Мухардан ач ычхынмаз.
Хансыз джомакъ болмаз.
Насыблы элин сюер, насыбсыз кесин сюер.
Этни да ашады, бетни да ашады.
Къыйынлы джети элни къайгъысын этер.
Арыгъан къош чамчы болур.
Хунаны тюбюн къазсанг, юсюнге ауар.
Эки къатын алгъанны къулагъы тынгнгаймаз.
