Босагъа таш юйге кирмей эди, тыбыр таш эшикге чыкъмай эди.
Аууз сакълагъан – джан сакълар.
Билмезни кёзю кёрмез, этмезни къулагъы эшитмез.
Хоншуну тауугъу къаз кёрюнюр, келини къыз кёрюнюр.
Бет бетге къараса, бет да джерге къарар.
Ишни аллы бла къууанма да, арты бла къууан.
Кенгеш болса, уруш болмаз.
Билим къая тешер.
Мухардан ач ычхынмаз.
Къуру гыбыт бек дыгъырдар.
Аманны тукъумуна къарама, игини тукъумун сорма.
Джылкъыдан – ат чыгъар, тукъумдан – джаш чыгъар.
Бал – татлы, балдан да бала – татлы.
Тил – кесген бычакъ, сёз – атылгъан окъ.
Ашаса, ашамаса да, бёрюню ауузу – къан.
Аш хазыр болса, иш харам болур.
Айтхан – тынч, этген – къыйын.
Джангыз торгъай джырламаз.
Ёпкелегенни ашы татлы болады.
Чакъырылмагъан къонакъ – орунсуз.
Татлы тилде – сёз ариу, чемер къолда – иш ариу.
Тюкюрюк баш джармаз, налат кёз чыгъармаз!
Эшекге миннген – биринчи айыб, андан джыгъылгъан – экинчи айыб.
Джиби бир къат джетмей эди да, эки къат тарта эди.
Атадан ёксюз – бир ёксюз, анадан ёксюз – эки ёксюз.
Дуния малгъа сатылма, кесингден телиге къатылма.
Ургъан суудан башынгы сакъла.
Суугъа – таянма, джаугъа – ийнанма.
Чакъырылмагъан къонакъ къачан кетерин сормаз.
Итли къонакъ джарашмаз.
Чыкълы кюнде чыкъмагъан, чыкъса къуру кирмеген.
Бастасын ашагъан, хантусун да ичер.
Керилген да, ургъан кибикди.
Къатыны харакетли болса, эри къымсыз болур.
Ишни ахырын ойламай, аллын башлама.
Хансыз джомакъ болмаз.
Тынгылагъан тынгы бузар.
Джашда акъыл джокъ, къартда къарыу джокъ.
Джан саулукъ бермей, сан саулукъ бермезсе.
Аллахха ийнаннган кишини, Аллах онгдурур ишин.
Атлыны кёрсе, джаяуну буту талыр.
Ашда уялгъан – мухар, ишде уялгъан – хомух.
Эм уллу байлыкъ – джан саулукъ.
Эрине къаргъыш этген къатын, эрнин къабар.
Рысхы – сют юсюнде кёмюк кибикди.
Аманны эки битли тону болур, бирин сеннге кийдирир, бирин кеси киер.
Джарлыны эшигин махтагъан джабар.
Аз айтсам, кёб ангылагъыз.
Чомарт бергенин айтмаз.
Татлы сёз – балдан татлы.
