Ариу джол аджал келтирмез.
Кёб ант этген, кёб ётюрюк айтыр.
Байны оноуу, джарлыгъа джарамаз.
Джюз элде джюз ёгюзюм болгъандан эсе, джюз джууугъум болсун.
Айыбны суу бла джууалмазса.
Ачылгъан эт джабылыр, кёрген кёз унутмаз.
Ашда – бёрю, ишде – ёлю.
Бет бетге къараса, бет да джерге къарар.
Аллахха ийнаннган кишини, Аллах онгдурур ишин.
Юйюнг бла джау болгъандан эсе, элинг бла джау бол.
Ёзденликни джайгъан – джокълукъ.
Кёрмегеннге кебек – танг, битмегеннге сакъал – танг.
Сабий кёргенин унутмаз.
Ёлген эшек бёрюден къоркъмайды.
Чакъырылмагъан къонакъ къачан кетерин сормаз.
Чакъырылмагъан къонакъ – орунсуз.
Насыб бютеу халкъны юлюшюдю.
Чакъырылмагъан джерге барма, чакъырылгъан джерден къалма.
Къайтырыкъ эшигинги, къаты уруб чыкъма.
Иши джокъну, сыйы джокъ.
Ишни аллы бла къууанма да, арты бла къууан.
Тик ёргени, тик энгишгеси да болады.
Адамны аманы адамны бети бла ойнар.
Кёзю сокъурдан – къоркъма, кёлю сокъурдан – къоркъ.
Чакъырылмагъан къонакъ тёрге атламаз.
Таугъа чыгъаллыкъ эсенг, тюзде къалма.
Ашаса, ашамаса да, бёрюню ауузу – къан.
Айныгъанлы алты кюн, тогъайгъанлы тогъуз кюн.
Чакъырылгъанны аты, чакъырылмагъанны багъасы болур.
Бюгюн дуния кибик, тамбла ахыратды.
Асхат ашлыкъ сата, юйдегиси ачдан къата.
Ачыу алгъа келсе, акъыл артха къалады.
Орну джокъну – сыйы джокъ.
Окъумагъан сокъурду, сокъур ташха абыныр!
Джаным-тиним – окъуу, билим.
Башда акъыл болмаса, эки аякъгъа кюч джетер.
Чабар ат – джетген къыз.
Окъугъан озар, окъумагъан тозар.
Итли къонакъ джарашмаз.
Хар зат кесини орнуна иги.
Айраннга суу къош, телиге джол бош.
Эл тойса, тоймагъан, эл къойса, къоймагъан.
Джаралыны джастыгъында сау ёлюр.
Этек чакъмакълары баш джаргъан, сёлешген сёзлери таш джаргъан.
Акъыл неден да кючлюдю.
Адамны джюреги нени кёрюрге сюйсе, кёзю да аны кёрюрге ёч болады.
Бастасын ашагъан, хантусун да ичер.
Гыдай эчки суугъа къараб, мюйюзле кёрмесе, джашма алкъын, дегенди.
Байлыкъ келсе, акъыл кетер.
Тенгни тенглиги джашай барсанг билинир.
прикольно играешь ))