Джаз бир кюнню джатсанг, къыш талай кюнню абынырса.
Джеринден айырылгъан – джети джылар, джуртундан айырылгъан – ёлгюнчю джылар.
Ишлерге уял да, ашаргъа табма.
Юре билмеген ит, къонакъ келтирир.
Къолу уллу – асыу, аягъы уллу – джарсыу.
Кёзю сокъурдан – къоркъма, кёлю сокъурдан – къоркъ.
Аууздан келген, къолдан келсе, ким да патчах болур эди.
Окъдан джара эртде-кеч болса да бителир, сёз джара, ёмюрге къалыр.
Ишни аллы бла къууанма да, арты бла къууан.
Джыйырма къойну юч джыйырма эбзе кюте эди.
Намыс болмагъан джерде, насыб болмаз.
Адамны сабийин сюйген джюреги, бычакъча, джитиди.
Джангыз терек къынгыр ёсер.
Къарны аманнга къазан такъдырма, къолу аманнга от джакъдырма.
Келлик заман – къартлыкъ келтирир, кетген заман – джашлыкъ ёлтюрюр.
Адамны аты башхача, акъылы да башхады.
Джырчы джырчыгъа – къарнаш.
Ургъан суудан башынгы сакъла.
Чакъырылгъанны аты, чакъырылмагъанны багъасы болур.
Ач къарынны, токъ билмез
Термилгенинги табмазса, кюлгенинге тюберсе.
Тенгинг джокъ эсе – изле, бар эсе – сакъла!
Кёб къычыргъандан – къоркъма, тынч олтургъандан – къоркъ.
Акъыллы айтыр эди, акъылсыз къоймайды.
Ариу сёзде ауруу джокъ.
Бети бедерден, намыс сакълама.
Ханы къызы буюгъа-буюгъа киштик болду.
Кёкдеги болмаса, джердегин кёрмейди.
Эринчекни аурууу – кёб.
Дуния мал дунияда къалады.
Аш хазыр болса, иш харам болур.
Къозулугъунда тоймагъан, къойлугъунда тоймаз.
Тюзню ётмеги тюзде къалса да, тас болмаз.
Ишни ахырын ойламай, аллын башлама.
Аман киши кеси юйюнде – къонакъ.
Тёрени джагъы джокъ.
Къонагъынгы артмагъын алма да, алгъышын ал.
Сескекли кесин билдирир.
Адамны адамлыгъы къыйынлыкъда айгъакъланады.
«Ёгюз, джаргъа джууукъ барма, меннге джюк боллукъса», - дегенди эшек.
Сагъышы джокъ – джукъучу, акъылы джокъ – къаугъачы.
Къонакъ болсанг, ийнакъ бол.
Билгенни къолу къарны джандырыр.
Башы ишлегенни, ауузу да ишлер.
Къартны бурнун сюрт да, оноугъа тут.
Ойнай-ойнай кёз чыгъар.
Тынгылагъан тынгы бузар.
Кечеси – аяз, кюню – къыш, джарлы къаргъагъа бир аш тюш!
Биреуге аманлыкъны тилеме да, кесинге ашхылыкъны тиле.
Башсыз урчукъ тюзюне айланмаз.
прикольно играешь ))