Къонакъны къачан кетерин сорма, къачан келлигин сор.
Тюзлюк тас болмайды.
Кийиминг бла танылма, адамлыкъ бла таныл.
Асхат ашлыкъ сата, юйдегиси ачдан къата.
Къызбайны юйюне дери сюрсенг, батыр болур.
Ариу сёз аурууунгу алыр.
Ишлерге уял да, ашаргъа табма.
Тил – кесген бычакъ, сёз – атылгъан окъ.
Эртде тургъан бла эртде юйленнген сокъуранмаз.
Къыйынлы джети элни къайгъысын этер.
Хата – гитчеден.
Адам сёзюнден белгили.
Ойнай билмеген, уруб къачар.
Биреуге аманлыкъны тилеме да, кесинге ашхылыкъны тиле.
Арба аугъандан сора, джол кёргюзтюучю кёб болур.
Минг тенг да азды, бир джау да кёбдю.
Къазанда болса, чолпугъа чыгъар.
Адам боллукъ, атламындан белгили болур.
Ач – эснер, ат – кишнер.
Ата – баланы уясы.
Сабий болмагъан джерде, мёлек болмаз.
Байлыкъ адамны сокъур этер.
Джашда акъыл джокъ, къартда къарыу джокъ.
Эри аманны, къатыны – аман.
Хунаны тюбюн къазсанг, юсюнге ауар.
Тюзлюк шохлукъну бегитир.
Чакъырылмагъан джерге барма, чакъырылгъан джерден къалма.
Ичимден чыкъды хата, къайры барайым сата?
Къатын байлыкъны сюер, эр саулукъну сюер.
Уллу къашыкъ эрин джыртар.
Ата Джуртча джер болмаз, туугъан элча эл болмаз.
Болджал ишни бёрю ашар.
Биреу къой излей, биреу той излей.
Юйюнгден чыкъдынг – кюнюнгден чыкъдынг.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тёзген – тёш ашар!
Телиге акъыл салгъандан эсе, ёлгеннге джан салырса.
Айырылгъанланы айю ашар, бёлюннгенлени бёрю ашар.
Ана къойну – балагъа джандет.
Ишни аллы бла къууанма да, арты бла къууан.
Абынмазлыкъ аякъ джокъ, джангылмазлыкъ джаякъ джокъ.
Гугурук къычырмаса да, тангны атары къалмаз.
Къарын къуру болса, джюрек уру болур.
Чомарт бергенин айтмаз.
Ишлегенде эринме, ишде чолакъ кёрюнме.
Тойну къарнашы – харс, джырны къарнашы – эжиу.
Эки итни арасына сюек атма, эки адамны арасында сёз чыгъарма.
Ёлюк кебинсиз къалмаз.
Суу да къайтады чыкъгъан джерине.
Ишлемеген – тишлемез.
прикольно играешь ))