Аманнга да, игиге да оноусуз къатышма.
Къонагъы джокъну – шоху джокъ.
Бал чибинни ургъаны – ачы, балы – татлы.
Бети – къучакълар, джюреги – бычакълар.
Ауругъан – джашаудан умутчу.
Кийиминг бла танылма, адамлыкъ бла таныл.
Мени джылытмагъан кюн, меннге тиймесин!
Рысхысына кёре, джаш ёсер, къышлыгъына кёре, мал ёсер.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Окъ къызбайны джокълайды.
Кёл ашады да, кеси ашады.
Атлыны ашхысы, ат тизгининден билинир
Ариу сёз – джаннга азыкъ, аман сёз – башха къазыкъ.
Игилик игилик бла сингдирилиучю затды.
Къарт бла баш аша, джаш бла аякъ аша.
Къартха ушагъан джаш – акъыллы, джашха ушагъан къарт – тели.
Уллу суу бла уллу ауруудан башынгы сакъла.
Байлыкъ келсе, акъыл кетер.
Чакъырылмагъан джерге барма, чакъырылгъан джерден къалма.
Ач, тоймам, дейди, тойгъан, ач болмам, дейди.
Кеси юйюмде мен да ханма.
Мадар болса, къадар болур.
Окъумагъан сокъурду, сокъур ташха абыныр!
Адам къыйынлыгъын кёлтюрюр, зауукълугъун кёлтюрмез.
Дуния мал дунияда къалады.
Окъугъан – асыу, окъумагъан – джарсыу.
Джарлыны эшигин махтагъан джабар.
Тас болгъан бычакъны сабы – алтын.
Аз сёлеш, кёб ишле.
Къар – келтирди, суу – элтди.
Тойгъан антын унутур.
Джюрекден джюрекге джол барды.
Ётюрюкден тюбю джокъ, кёлтюрюрге джиби джокъ.
Рысхы джалгъанды: келген да этер, кетген да этер.
Бозанг болмагъан джерге, къалагъынгы сукъма.
Биреуню эскиси биреуге джангы болмайды.
Къолунгдан къуймакъ ашатсанг да, атаны борчундан къутулмазса.
«Ма», - дегенни билмесенг, «бер», - дегенни билмезсе.
Акъыллы башны – тили къысха.
Ач къалгъандан, кеч къалгъан къолай.
Азыкълы ат арымаз, къатыны аман джарымаз.
Чомарт къонакъ юй иесин сыйлар.
Мал кёб болса, джууукъ кёб болур.
Джангыз терек къынгыр ёсер.
Бал ашаргъа сюе эсенг, чибин ургъаннга тёз.
Ётюрюкню башын керти кесер.
Телини эшигин, махтау джабар.
Баргъанынга кёре болур келгенинг.
Кёбню кёрген – кёб билир.
Ата Джуртун танымагъан, атасын да танымаз.
прикольно играешь ))