Аууздан келген, къолдан келсе, ким да патчах болур эди.
Джарлы тюеге минсе да, ит къабар.
Кёбге таш атма.
Аш хазыр болса, иш харам болур.
Кёб джашагъан – кёб билир.
Элде адам къалмаса, ит тахтагъа минер.
Чабар ат – джетген къыз.
Кёзню ачылгъаны – иги, ауузну джабылгъаны – иги.
Ат да турмайды бир териде.
Кёбню кёрген – кёб билир.
Башы ишлегенни, ауузу да ишлер.
Шайтан алдады, тюзлюк къаргъады.
Атынг аманнга чыкъгъандан эсе, джанынг тамагъынгдан чыкъсын.
Чакъырылмагъан къонакъ къачан кетерин сормаз.
Акъыл сабырлыкъ берир.
Мадар болса, къадар болур.
Адам къыйынлыгъын кёлтюрюр, зауукълугъун кёлтюрмез.
Кёл – къызбай, къол – батыр.
Тёрде – темир таякълы, къаяда – чыпчыкъ аякълы.
Бичгенде ашыкъма, тикгенде ашыкъ.
Ашхы – джыяр, аман – джояр.
Ауругъан – джашаудан умутчу.
Къарт айтханны этмеген, къартаймаз.
Эм ашхы къайын ана мамукъ бла башынгы тешер.
Уллу къазанда бишген эт, чий къалмаз.
Бет бетге къараса, бет да джерге къарар.
Чоюнну башы ачыкъ болса, итге уят керекди.
Хазыр ашха – терен къашыкъ.
Къонагъы джокъну – шоху джокъ.
Рысхысына кёре, джаш ёсер, къышлыгъына кёре, мал ёсер.
Ашарыкъда сайлагъаннга – чий гырджын.
Азыкъ аз болса, эртде орун сал.
Башсыз урчукъ тюзюне айланмаз.
Биреуню къыйынлыгъы бла кесинге джол ишлеме.
Къазанда болса, чолпугъа чыгъар.
Биреуге аманлыкъны тилеме да, кесинге ашхылыкъны тиле.
Ата Джуртуму башы болмасам да, босагъасында ташы болайым.
Эри аманны, къатыны – аман.
Азыкълы ат арымаз, къатыны аман джарымаз.
Эшекни не къадар тюйсенг да, ат болмаз.
Кёпюр салгъан кеси ётер, уру къазгъан кеси кетер.
Бюгюн дуния кибик, тамбла ахыратды.
Аз айтсам, кёб ангылагъыз.
Ойнай билмеген, уруб къачар.
Алтыда кюлмеген, алтмышда кюлмез.
Къарны аманнга къазан такъдырма, къолу аманнга от джакъдырма.
Ач, тоймам, дейди, тойгъан, ач болмам, дейди.
Алим болгъандан эсе, адам болгъан къыйынды.
Таула не мийик болсала да, аууш табылыр.
Гугук кесини атын айтыб къычыргъанча, мен, мен деб нек тураса?
прикольно играешь ))