Кёлсюзден сёзсюз тууар.
Къошда джокъгъа – юлюш джокъ.
Адам туугъан джеринде, ит тойгъан джеринде.
Кирсизни – саны таза, халалны – къаны таза.
Атлыны кёрсе, джаяуну буту талыр.
Керти сёзге тёре джокъ.
Баланы адам этген анады.
Намыс сатылыб алынмайды.
Баш – акъыл ючюн, акъылман – халкъ ючюн.
Телиге от эт десенг, юйюнге от салыр.
Ашхы адам – халкъ байлыгъы, ашхы джер – джашау байлыгъы.
Эрине къаргъыш этген къатын, эрнин къабар.
Аманны къуугъан, аманлыкъ табар.
Къызын тута билмеген, тул этер, джашын тута билмеген, къул этер.
Гугук кесини атын айтыб къычыргъанча, мен, мен деб нек тураса?
Эки элинги тыйсанг, джети элде махталырса.
Кёл ашады да, кеси ашады.
Атынг аманнга чыкъгъандан эсе, джанынг тамагъынгдан чыкъсын.
Билмегенинги, билгеннге сор.
Агъач – джерни чырайы, кийим – эрни чырайы.
Айныгъанлы алты кюн, тогъайгъанлы тогъуз кюн.
Ашхы сёз таш тешер.
От кюйдюрген, сау болса да, тот кюйдюрген, сау болмаз.
Кёб джат да, бек чаб.
Джумушакъ сёз къаты таякъны сындырыр.
Башда акъыл болмаса, эки аякъгъа кюч джетер.
Бозаны арты дауур болур.
Эл тойса, тоймагъан, эл къойса, къоймагъан.
Сабыр джетер муратха, сабырсыз къалыр уятха.
Зар адам ашынгы ашар, кесинги сатар.
Ойнай билмеген, оюн бузар.
Аджашханны ызындагъы кёреди, джангылгъанны джанындагъы биледи.
Ойнаб айтсанг да, эслеб айт.
Ариу сёзде ауруу джокъ.
Тас болгъан бычакъны сабы – алтын.
Чакъырылмагъан къонакъ къачан кетерин сормаз.
Аманнга игилик этсенг, юйюнге сау бармазса.
Хар зат кесини орнуна иги.
Насыблы элин сюер, насыбсыз кесин сюер.
Бети бедерден, намыс сакълама.
Дуния мал дунияда къалады.
Аман адамны тепсинге олтуртсанг, къызынгы тилер.
Ётюрюкню башын керти кесер.
Джюрек кёзден алгъа кёрюр.
Туз, гырджын аша, тюзлюк бла джаша.
Халкъгъа джарагъан, джарлы къалмаз.
Дууулдаса – бал чибин, къонса – къара чибин.
Джогъун бар этген, барын бал этген.
Къызны минг тилер, бир алыр.
Окъуусуз билим – джокъ, билимсиз кюнюнг – джокъ.
прикольно играешь ))