Ауругъаннга – кийик саулукъ, джетген къызгъа – чилле джаулукъ.
Тели турса – той бузар.
Акъыллы айтыр эди, акъылсыз къоймайды.
Джырчы джырчыгъа – къарнаш.
Чакъырылмагъан къонакъ къачан кетерин сормаз.
Тамырсыз терекге таянма – джыгъылырса.
Хар сёзню орну барды.
Бозаны арты дауур болур.
Аманнга алтын чыдамаз.
Къуру гыбыт бек дыгъырдар.
Ишленмеклик адамлыкъды.
Кесине оноу эте билмеген, халкъына да эте билмез.
Экеулен сёлеше тура эселе, орталарына барыб кирме.
Сагъышы джокъ – джукъучу, акъылы джокъ – къаугъачы.
Окъугъан – асыу, окъумагъан – джарсыу.
Алим болгъандан эсе, адам болгъан къыйынды.
Ёксюзню къалачы уллу кёрюнюр.
Ашда – бёрю, ишде – ёлю.
Джангызны оту джарыкъ джанмаз!
Тил – кесген бычакъ, сёз – атылгъан окъ.
Билими азны – ауузунда кирит.
Мухарны эси – ашарыкъда.
Джашны джигитлиги сорулур, къызны джигерлиги сорулур.
Этни да ашады, бетни да ашады.
Аман адамны тепсинге олтуртсанг, къызынгы тилер.
Минг тенг да азды, бир джау да кёбдю.
Аманнга да, игиге да оноусуз къатышма.
Эки итни арасына сюек атма, эки адамны арасында сёз чыгъарма.
Къартны сыйын кёрмеген, къартлыгъында сыйлы болмаз.
Иги адам абынса да, джангылмаз.
Къартны бурнун сюрт да, оноугъа тут.
Таякъ этден ётер, тил сюекден ётер.
Билим къая тешер.
Ойнаб айтсанг да, эслеб айт.
Борчунг бар эсе, хурджунунга ойлаб узал.
Ётюрюк хапар аякъ тюбю бла джюрюйдю.
Чомарт къолда мал къалмаз.
Адам туугъан джеринде, ит тойгъан джеринде.
Ауругъан – джашаудан умутчу.
Сабыр джетер муратха, сабырсыз къалыр уятха.
Кёзден кетген, кёлден да кетеди.
Намыс сатылыб алынмайды.
Башынга джетмегенни сорма.
Къартха ушагъан джаш – акъыллы, джашха ушагъан къарт – тели.
Босагъагъа джууукъ орун болса, ашыгъыб тёрге озма.
Ачыу алгъа келсе, акъыл артха къалады.
Ат басханны джер билед.
Къан бла кирген, джан бла чыгъар.
Тойгъа барсанг, тоюб бар, эски тонунгу къоюб бар.
Джол бла сёзню къыйыры джокъ.
прикольно играешь ))