Ата Джуртуму башы болмасам да, босагъасында ташы болайым.
Юреннген ауруу къалмаз.
Чабакъсыз кёлге къармакъ салгъанлыкъгъа, чабакъ тутмазса.
Къызгъанчдан ычхыныр, мухардан ычхынмаз.
Арыгъан къош чамчы болур.
Ёзденликни джайгъан – джокълукъ.
Бетинги сатма, малынгы сат.
Нёгер болсанг, тенг бол, тенг болмасанг, кенг бол.
Уллу суу бла уллу ауруудан башынгы сакъла.
Сибиртки да сыйлы болду, кюрек да кюнлю болду.
Дууулдаса – бал чибин, къонса – къара чибин.
Чомартха Тейри да борчлуду.
Суугъа – таянма, джаугъа – ийнанма.
Чёбню кёлтюрсенг, тюбюнден сёз чыгъар.
Сабыр джетер муратха, сабырсыз къалыр уятха.
Джырчы ёлсе, джыры къалыр.
Къазанчы аман болса, къазаны къайнамаз.
Джетген къыз джерли эшекни танымаз.
Мал тутхан – май джалар.
Тюз сёз баргъан сууну тыяр.
Урама да – ёледи, сатама да – келеди.
Ёлюк кебинсиз къалмаз.
Эл ауузу – элек, анга ийнаннган – халек.
Этни да ашады, бетни да ашады.
Кёб ант этген, кёб ётюрюк айтыр.
Ауругъанны сау билмез, ач къарынны токъ билмез.
Ашыкъгъан cуу, тенгизге джетмез.
Къар – келтирди, суу – элтди.
Къатын байлыкъны сюер, эр саулукъну сюер.
Къаллай салам берсенг, аллай джууаб алырса.
Ачлыкъ отха секиртир.
Эринчекни аурууу – кёб.
Къонакъ хазыр болгъанлыкъгъа, къонакъбай хазыр тюлдю.
Ойнай билмеген, уруб къачар.
Къуллукъчума, деб махтанма, къуллукъ – хаух джамчыды!
Юйюнг бла джау болгъандан эсе, элинг бла джау бол.
Алма терегинден кери кетмез.
Биреуню къыйынлыгъы бла кесинге джол ишлеме.
Алтыннга тот къонмаз.
Ёзденликни кёбю ётюрюк.
Азыгъы аз, алгъа къабар, аты аман, алгъа чабар.
Асхат ашлыкъ сата, юйдегиси ачдан къата.
Уллу айтханны этмеген – уллаймаз.
Ашхы – джыяр, аман – джояр.
Келлик заман – къартлыкъ келтирир, кетген заман – джашлыкъ ёлтюрюр.
Агъач халкъгъа алтынды, иссиликге салкъынды.
Джиби бир къат джетмей эди да, эки къат тарта эди.
Ат да турмайды бир териде.
Айраннга суу къош, телиге джол бош.
Билмейме деген – бир сёз
прикольно играешь ))