Ашлыкъны арба юйге келтирир, чана базаргъа элтир.
Чабар ат – джетген къыз.
Чакъырылмай келген къонакъ сыйланмай кетер.
Джашынгы кесинг юретмесенг, джашау юретир.
Кёзюнде тереги болгъан, чёбю болгъаннга кюле эди.
Кёпюр салгъан кеси ётер, уру къазгъан кеси кетер.
Къазанда болса, чолпугъа чыгъар.
Чоюнну башы ачыкъ болса, итге уят керекди.
Ким бла джюрюсенг, аны кёзю бла кёрюнюрсе.
Ёлюк кебинсиз къалмаз.
Бети къызарыучу адамны, джюреги харам болмаз.
Кийим тукъум сордурур.
Азыгъы аз, алгъа къабар, аты аман, алгъа чабар.
Тешик этген тынчды, аны джамагъан къыйынды.
Мадар болса, къадар болур.
Танг атмайма десе да, кюн къоярыкъ тюйюлдю.
Айтылгъан сёз ызына къайтмаз.
Къонакъ кёб келюучю юйню, къазаны отдан тюшмез.
Къонагъы джокъну – шоху джокъ.
Адам боллукъ, атламындан белгили болур.
Махтаннган къыз, тойда джукълар.
Татлы тилде – сёз ариу, чемер къолда – иш ариу.
Ашатыргъа иш – ашхы, ишлетирге аш – ашхы.
Этни бети бла шорпасы.
Юйюнгден чыкъдынг – кюнюнгден чыкъдынг.
Аз сёлеш, кёб ишле.
Гырджын – тепсини тамадасы.
Тёрде – темир таякълы, къаяда – чыпчыкъ аякълы.
Ичимден чыкъды хата, къайры барайым сата?
Чакъырылгъанны аты, чакъырылмагъанны багъасы болур.
Адамны джюреги нени кёрюрге сюйсе, кёзю да аны кёрюрге ёч болады.
Терслик кетер, тюзлюк джетер.
Сёз сёзню айтдырыр.
Иги – алгъыш этер, аман – къаргъыш этер.
Окъумагъан сокъурду, сокъур ташха абыныр!
Тилчиден кери бол.
Таякъ этден ётер, тил сюекден ётер.
Байлыкъ болгъан джерде, тынчлыкъ джокъду.
Аууздан келген, къолдан келсе, ким да патчах болур эди.
Рысхысына кёре, джаш ёсер, къышлыгъына кёре, мал ёсер.
Алма терегинден кери кетмез.
Ашыкъгъан cуу, тенгизге джетмез.
Юреннген ауруу къалмаз.
Ауругъанны сау билмез, ач къарынны токъ билмез.
Билимден уллу байлыкъ джокъду.
Тура эдим джата, къайдан чыкъды хата?
Джолунга кёре – джюрюшюнг, джагъанга кёре – юлюшюнг.
Хар ишни да аллы къыйынды.
Чомарт къонакъ юй иесин сыйлар.
Кийиминг бла танылма, адамлыкъ бла таныл.
прикольно играешь ))