Этни да ашады, бетни да ашады.
Хунаны тюбюн къазсанг, юсюнге ауар.
Къазанчы аман болса, къазаны къайнамаз.
Джюз элде джюз ёгюзюм болгъандан эсе, джюз джууугъум болсун.
Арыгъан къош чамчы болур.
Суугъа – чабакъ, къаягъа – ыргъакъ.
Иши джокъну, сыйы джокъ.
Окъугъан – асыу, окъумагъан – джарсыу.
Джолунга кёре – джюрюшюнг, джагъанга кёре – юлюшюнг.
Джигер – джаннга къыйынлыкъ.
Къонакъ хазыр болгъанлыкъгъа, къонакъбай хазыр тюлдю.
Бир абыннган – минг сюрюнюр.
Къалгъан ишге къар джауар.
Бёрю да ач къалмасын, эчки да ашалмасын.
Байлыкъдан саулукъ ашхыды.
Джарлыны тону джаз битер.
Ана къолу ачытмаз.
Акъыл къартда, джашда тюйюлдю – башдады.
Билимден уллу байлыкъ джокъду.
Ауругъаннга – кийик саулукъ, джетген къызгъа – чилле джаулукъ.
Элде адам къалмаса, ит тахтагъа минер.
Босагъа таш юйге кирмей эди, тыбыр таш эшикге чыкъмай эди.
Шайтан алдады, тюзлюк къаргъады.
Телини эшигин, махтау джабар.
Къонакъ кёб келюучю юйню, къазаны отдан тюшмез.
Ханнга да келеди хариблик.
Зарда марда джокъ.
Джуртун къоругъан озар.
Джети тилни билген джети кишиди.
Ашха уста, юйюнде болсун
Джашны джигитлиги сорулур, къызны джигерлиги сорулур.
Мухар, кеси тойса да, кёзю тоймаз.
Чакъырылмагъан къонакъ къачан кетерин сормаз.
Тилчи бир сагъатха айлыкъ хата этер.
Киштикге къанат битсе, чыпчыкъ къалмаз эди.
Байлыкъ тауусулур, билим тауусулмаз.
Тау башында, тау болмаз, джангыз терек, бау болмаз.
Юй ишлеген балта эшикде къалыр.
Кёбге таш атма.
Кёзню ачылгъаны – иги, ауузну джабылгъаны – иги.
Бек анасы джыламаз.
Эркишини аманы тиширыуну джылатыр.
Эски джаугъа ышанма.
Ашарыкъда сайлагъаннга – чий гырджын.
Акъыллы – эл иеси, тели – эл баласы.
Тюкюрюк баш джармаз, налат кёз чыгъармаз!
Окъуу – билимни ачхычы, окъуу – дунияны бачхычы.
Къонакъ болсанг, ийнакъ бол.
Келлик заман – къартлыкъ келтирир, кетген заман – джашлыкъ ёлтюрюр.
Джаш къарыу бла кючлю, къарт акъыл бла кючлю.
прикольно играешь ))