Накъырданы арты керти болур.
Аман хансны – урлугъу кёб.
Нёгерсизни джолу узун.
Таукел къуру къалмаз.
Итли къонакъ джарашмаз.
Джуртун къоругъан озар.
Окъуусуз билим – джокъ, билимсиз кюнюнг – джокъ.
Игиге айтсанг – билир, аманнга айтсанг – кюлюр.
Эски джаугъа ышанма.
Сабий болмагъан джерде, мёлек болмаз.
Ашыкъгъан cуу, тенгизге джетмез.
Тойчу джашха къарама, къойчу джашха къара.
Ёгюзню мюйюзюнден тутадыла, адамны сёзюнден тутадыла.
Аджал соруб келмез, келсе, къайтыб кетмез.
Къар – келтирди, суу – элтди.
Аман къатын алгъан, арыр, иги къатын алгъан джарыр.
Ётюрюкню къуйругъу – бир тутум.
Къобан да къуру да къобханлай турмайды, адам да къуру да патчахлай турмайды.
Билимсиз иш бармаз.
Акъылсызны джууукъгъа алма, акъыллыны кенгнге салма.
Айныгъанлы алты кюн, тогъайгъанлы тогъуз кюн.
Тилчи тилден къаныкъмаз.
Адам боллукъ, атламындан белгили болур.
Нарт сёз – тилни бети.
Чакъырылмагъан джерге барма, чакъырылгъан джерден къалма.
Айырылгъанланы айю ашар, бёлюннгенлени бёрю ашар.
Узун джолну барсанг, бюгюн келирсе, къысха джолну барсанг, тамбла келирсе.
Къоркъакъны кёзю экили кёрюр.
Уруну арты – къуру.
Джаш къарыу бла кючлю, къарт акъыл бла кючлю.
Ишни ахырын ойламай, аллын башлама.
Къарнынг къанлынга кийирир.
Артына баргъанны, къатына барма.
Акъдан къара болмаз.
Татлы сёз – балдан татлы.
Ашына кёре табагъы, балына кёре къалагъы.
Ауузу бла къуш тута айланады.
От кюйдюрген, сау болса да, тот кюйдюрген, сау болмаз.
Ханы къызы буюгъа-буюгъа киштик болду.
Эринчекни аурууу – кёб.
Сёлеш деб шай берген, тохта деб, сом берген.
Аджашхан тёгерек айланыр.
Тёгюлген тюгел джыйылмайды.
Эки къатын алгъанны къулагъы тынгнгаймаз.
Башы джабылгъан челекге, кир тюшмез.
Тёрде – темир таякълы, къаяда – чыпчыкъ аякълы.
Ишлегенден, къарагъан уста.
Бети къызарыучу адамны, джюреги харам болмаз.
Къартха ушагъан джаш – акъыллы, джашха ушагъан къарт – тели.
Къазанны башы ачыкъ болса, итге уят керекди.
прикольно играешь ))