Азыкълы ат арымаз, къатыны аман джарымаз.
Кёрмегеннге кебек – танг, битмегеннге сакъал – танг.
Сескекли кесин билдирир.
Билими азны – ауузунда кирит.
Шайтан алдады, тюзлюк къаргъады.
Эм уллу байлыкъ – джан саулукъ.
Ашда – бёрю, ишде – ёлю.
Ариу – кёзге, акъыл – джюрекге.
Къонагъынгы артмагъын алма да, алгъышын ал.
Рысхысына кёре, джаш ёсер, къышлыгъына кёре, мал ёсер.
Минг тенг да азды, бир джау да кёбдю.
Тойгъанлыкъ къойгъа джарашады.
Киштикге къанат битсе, чыпчыкъ къалмаз эди.
Урама да – ёледи, сатама да – келеди.
Тилсиз миллет джокъ болур.
Ышармагъан – кюлмез, кюлмеген – къууанчны билмез.
Тёрени джагъы джокъ.
Ач да бол, токъ да бол – намысынга бек бол.
Адеби болмагъан къыз – тузсуз хант.
Ким бла джюрюсенг, аны кёзю бла кёрюнюрсе.
Чыбыкълыкъда бюгюлмеген, къазыкълыкъда бюгюлмей эди.
Джумушакъ сёз къаты таякъны сындырыр.
Ач къарным, тынч къулагъым.
Баш – акъыл ючюн, акъылман – халкъ ючюн.
Къызын тута билмеген, тул этер, джашын тута билмеген, къул этер.
Башы джабылгъан челекге, кир тюшмез.
Кёлсюзден сёзсюз тууар.
Хансыз джомакъ болмаз.
Тёрде – темир таякълы, къаяда – чыпчыкъ аякълы.
Булут кёкге джарашыу, уят бетге джарашыу.
Тил бла келеди джыр да.
Акъыл сабырлыкъ берир.
Экиндини кеч къылсанг, чабыб джетер ашхам.
Суугъа – чабакъ, къаягъа – ыргъакъ.
Кюл тюбюндеги от кёрюнмейди.
Ёзденликни кёбю ётюрюк.
Тили узунну, намысы – къысха.
Ашатыргъа иш – ашхы, ишлетирге аш – ашхы.
Чомартха хар кюн да байрамды.
Огъурлуну сёзю – суу, огъурсузну сёзю – уу.
Телиге от эт десенг, юйюнге от салыр.
Джаш къарыу бла кючлю, къарт акъыл бла кючлю.
Адам сёзюнден белгили.
Айранын берсенг, челегин да къызгъанма.
Ётюрюк хапар аякъ тюбю бла джюрюйдю.
Таукелге нюр джауар.
Кёбге таш атма.
Мал тутхан – май джалар.
Ата Джуртун танымагъан, атасын да танымаз.
Элде адам къалмаса, ит тахтагъа минер.
прикольно играешь ))