Бозаны арты дауур болур.
Джаным-тиним – окъуу, билим.
Ашха уста, юйюнде болсун
Кёб джат да, бек чаб.
Нарт сёз – тилни бети.
Къыз тиширыу кеси юйюнде да къонакъды.
Къартны сыйын кёрмеген, къартлыгъында сыйлы болмаз.
Мухарны эси – ашарыкъда.
Рысхысына кёре, джаш ёсер, къышлыгъына кёре, мал ёсер.
Ата – билек, ана – джюрек!
Алгъанда – джууукъ, бергенде – джау.
Джашынгы кесинг юретмесенг, джашау юретир.
Ёксюзню тилеги къабыл болур.
Сёз сёзню айтдырыр.
Джангызны оту джарыкъ джанмаз!
Кюл тюбюндеги от кёрюнмейди.
Ишни аллы бла къууанма да, арты бла къууан.
Ашда уялгъан – мухар, ишде уялгъан – хомух.
Бал ашаргъа сюе эсенг, чибин ургъаннга тёз.
Суугъа – таянма, джаугъа – ийнанма.
Ана – юйню кюн джарыгъы.
Бек ашыкъгъан меннге джетсин, дегенди аракъы.
Рысхы джалгъанды: келген да этер, кетген да этер.
Чёбню кёлтюрсенг, тюбюнден сёз чыгъар.
Чомарт джарлы болмаз.
Къонагъынгы артмагъын алма да, алгъышын ал.
Уллу атлама – абынырса, уллу къабма – къарылырса.
Кечеси – аяз, кюню – къыш, джарлы къаргъагъа бир аш тюш!
Сыфатында болмагъаны, суратында болмаз.
Сабыр джетер муратха, сабырсыз къалыр уятха.
Арбаз сайлама да, хоншу сайла.
Аджашхан тёгерек айланыр.
Кёбню кёрген – кёб билир.
Къыз чыгъаргъан – къызыл къымжа.
Сабийликде юретмесенг, уллу болса – тюзелмез.
Башда акъыл болмаса, эки аякъгъа кюч джетер.
Ач бёрюге мекям джокъ.
Ач да бол, токъ да бол – намысынга бек бол.
Джеринден айырылгъан – джети джылар, джуртундан айырылгъан – ёлгюнчю джылар.
Таугъа чыгъаллыкъ эсенг, тюзде къалма.
Таула не мийик болсала да, аууш табылыр.
Мадар болса, къадар болур.
Адам къыйынлыгъын кёлтюрюр, зауукълугъун кёлтюрмез.
Тура эдим джата, къайдан чыкъды хата?
Адебни адебсизден юрен.
Къолу уллу – асыу, аягъы уллу – джарсыу.
Зар адамны насыбы болмаз.
Джарлыны тону джаз битер.
Ашда – бёрю, ишде – ёлю.
Къонакъ болсанг, ийнакъ бол.
прикольно играешь ))