Баш болса, бёрк табылыр.
Къарнынг тойгъунчу аша да, белинг талгъынчы ишле.
Кесинг сынамагъан затны, адамгъа буюрма.
Эрине къаргъыш этген къатын, эрнин къабар.
Этни бети бла шорпасы.
Эл элде бирер малынг болгъандан эсе, бирер тенгинг болсун.
Зарда марда джокъ.
Ашлыкъ – бюртюкден, джюн – тюкден.
Джарлы тюеге минсе да, ит къабар.
Окъ къызбайны джокълайды.
Биреуню къыйынлыгъы бла кесинге джол ишлеме.
Ата Джуртун танымагъан, атасын да танымаз.
Ургъан суудан башынгы сакъла.
Ауурну тюбю бла, дженгилни башы бла джюрюген.
Кёб ант этген, кёб ётюрюк айтыр.
Байдан умут эте, джарлыдан ёгюз багъасы къорады.
Аман адам этегингден тутса, кес да къач.
Тил бла келеди джыр да.
Чомарт бергенин айтмаз.
Адамгъа аман кюн соруб келмейди.
Аллахха ийнаннган кишини, Аллах онгдурур ишин.
Эм ашхы къайын ана мамукъ бла башынгы тешер.
Къаллай салам берсенг, аллай джууаб алырса.
Аджал соруб келмез, келсе, къайтыб кетмез.
Кёз – сюйген джерде, къол – ауругъан джерде.
Тойну къарнашы – харс, джырны къарнашы – эжиу.
Окъугъан озар, окъумагъан тозар.
Ариу сёз аурууунгу алыр.
Башы ишлегенни, ауузу да ишлер.
Игиге айтсанг – билир, аманнга айтсанг – кюлюр.
Накъырданы арты керти болур.
Кеси юйюмде мен да ханма.
Къобан да къуру да къобханлай турмайды, адам да къуру да патчахлай турмайды.
Сёз садакъдан кючлюдю.
Джырчы джырчыгъа – къарнаш.
Къарт болгъан джерде, берекет болур, сабий болгъан джерде, оюн болур.
Джыгъылгъанны сырты джерден тоймаз.
Ёзденликни кёбю ётюрюк.
Бет бетге къараса, бет да джерге къарар.
Къазанда болса, чолпугъа чыгъар.
Эркиши – от, тиширыу – суу.
Халкъгъа джарагъан, джарлы къалмаз.
Орундукъ тюбюнде атылсам да, орта джиликме, де да айлан.
Ач да бол, токъ да бол – намысынга бек бол.
Эринчекни эр алмаз, эр алса да, кёл салмаз, кёл салса да, кёб бармаз!
Ёлген эшек бёрюден къоркъмайды.
Суугъа – чабакъ, къаягъа – ыргъакъ.
Айранын берсенг, челегин да къызгъанма.
Эм уллу байлыкъ – джан саулукъ.
Бети къызарыучу адамны, джюреги харам болмаз.
прикольно играешь ))