Ёлген ийнек сютлю болур.
Къыйынлы джети элни къайгъысын этер.
Ауузу аманнга «иги», деме.
Кёрмегеннге кебек – танг, битмегеннге сакъал – танг.
Адам сёзге тынгыла, акъыл сёзню ангыла.
Ургъан суудан башынгы сакъла.
Эллинг бла джау болсанг да, юйюнг бла джау болма.
Биреуге аманлыкъны тилеме да, кесинге ашхылыкъны тиле.
Эски джаугъа ышанма.
Чомарт бергенин айтмаз.
Джарлы джети элни сёзюн этер.
Ойнай билмеген, оюн бузар.
Бетинги сатма, малынгы сат.
Джаш къарыу бла кючлю, къарт акъыл бла кючлю.
Кёб джат да, бек чаб.
Джиби бир къат джетмей эди да, эки къат тарта эди.
Илму – джашауну джолу.
Айыбны суу бла джууалмазса.
Дженгил джетерикме деб, узун джолну къоюб, къысхасын барма.
Этни да ашады, бетни да ашады.
Айран тёгюлсе, джугъусу къалыр.
Джукъу тёшек сайламайды.
Бозаны арты дауур болур.
Чомартха хар кюн да байрамды.
Ишлерге уял да, ашаргъа табма.
Кийим тукъум сордурур.
Бет бетге къараса, бет да джерге къарар.
Адамны сыфатына къарама, сёзюне къара.
Сакъ юйюне сау барыр.
Шекер бла туз – бир болмаз, ушамагъан – юй болмаз.
Тенги кёбню джау алмаз, акъылы кёбню дау алмаз.
Кюн кёрмеген, кюн кёрсе, кюндюз чыракъ джандырыр.
Эм ашхы къайын ана мамукъ бла башынгы тешер.
Джарлыны тону джаз битер.
Ишлегенде эринме, ишде чолакъ кёрюнме.
Татлы тилде – сёз ариу, чемер къолда – иш ариу.
Билим – акъылны чырагъы.
Итли къонакъ джарашмаз.
Келлик заман – къартлыкъ келтирир, кетген заман – джашлыкъ ёлтюрюр.
Уясында не кёрсе, учханында аны этер.
Юй кюйдю да, кюйюз чыкъды, ортасындан тюйюш чыкъды.
Ашыкъгъанны этеги бутуна чырмалыр.
Баш – акъыл ючюн, акъылман – халкъ ючюн.
Аурууну келиую тынч, кетиую – къыйын.
Къыз тиширыу кеси юйюнде да къонакъды.
Сангырау къулакъ эл бузар.
Алгъанда – джууукъ, бергенде – джау.
Джылыгъа джылан илешир.
Кёзю сокъурдан – къоркъма, кёлю сокъурдан – къоркъ.
Танг атмайма десе да, кюн къоярыкъ тюйюлдю.
прикольно играешь ))